ဗုဒ္ဓအဘိဓမ္မာကို ပထမဆုံး အင်္ဂလိပ်ဘာသာပြန်ဆိုသူ ရခိုင်အမျိုးသား ဦးရွှေဇံအောင်
( ၁၈၇၁ - ၁၉၃၂ )

ဦးရွှေဇံအောင်ကို ၁၈၇၁ခုနှစ် ဇန်နဝါရီလ၂၀ရက်နေ့တွင် စစ်တွေမြို၌ ဖွားမြင်သည်။အဖရာဇဝတ်ဝန် ဦးရွှေသား (အိုင်အက်စ်အို၊ကေအက်စ်အမ်၊အေတီအမ် )အမိ ဒေါ်အဇံဖြူတို့၏ ဒုတိယသားဖြစ်သည်။မွေးချင်းလေးယောက်ရှိသည်။
စစ်တွေအစိုးရအလယ်တန်းကျောင်းမှ ၁၈၈၆ခုနှစ်တွင် အလယ်တန်းအောင်ပြီး ပညာသင်ဆုရသည်။၁၈၈၇ခုနှစ်တွင် ရန်ကုန်အစိုးရအထက်တန်းကျောင်းမှ တက္ကသိုလ်ဝင်တန်းအောင်သည်။၁၈၉၁ခုနှစ်တွင် ရန်ကုန်ကောလိပ်မှ ဝိဇ္ဇာဘွဲ့ရသည်။ ၁၈၉၃ခုနှစ်တွင် ရန်ကုန်မြို့ စဥ့်အိုးတန်းနေ ဝန်ထောက် ဦးထွန်းအောင်၊ဒေါ်ထွားအိတို့၏ သမီး မတင်တင်နှင့်လက်ထပ်သည်။
၁၈၉၂ခုနှစ်တွင် ပညာရေးဌာန၌ ပညာအုပ်အဖြစ်စတင်အမှုထမ်းသည်။၁၈၉၄ခုနှစ်တွင် ကျောက်ဆည်နယ်၌ လယ်ဝန်၊၁၉၀၃တွင် ရန်ကုန်၌ အခွန်ဝန်၊၁၉၀၇တွင် ဝန်ထောက်၊၁၉၁၈တွင် ကျောက်တန်း၌ နယ်ပိုင်ဝန်ထောက်၊ဟံသာဝတီအရေးပိုင်၊၁၉၂၀တွင် ဘဏ္ဍာတော်မင်းကြီး၏ အတွင်းဝန်၊၁၉၂၂တွင် အိန္ဒိယပြည် မြူနီစီပယ်အခွန်ကောက်ခံမူ စုံစမ်းရေးကော်မတီဝင်အဖြစ် အိန္ဒိယတွင် ၆လ ၊ထို့နောက် သထုံအရေးပိုင်၊၁၉၂၃ခုနှစ်တွင် မြန်မာတိုင်းရင်းသားများထဲမှ ပထမဦးဆုံးသော ယစ်မျိုးမင်းကြီးအဖြစ် တာဝန်ထမ်းဆောင်ရသည်။၁၉၂၆ခုနှစ်တွင် ကျန်းမာရေးကြောင့် အငြိမ်းစားယူခဲ့သည်။
အခွန်ဝန်ထောက်အဖြစ် တာဝန်ထမ်းဆောင်နေစဉ် ၁၉၀၉ခုနှစ်တွင် ရန်ကုန်မြို့ရှိကျူးကျော်နေထိုင်သူများ နေရာချထားရေးနှင့် မြေခွန်တော်စည်းကြပ်ရေး အတွက် စီမံကိန်းစာတမ်းကို ရေးဆွဲအကောင်ထည်ဖော်ဆောင်ရွက်ခဲ့သည်။၁၉၁၄ခုနှစ်တွင် အမှူထမ်းကောင်းတံဆိပ်ရမင်း( အေတီအမ် )၊၁၉၂၃ခုနှစ်တွင် ကျက်သရေဆောင် ရွှေစလွယ်ရမင်း ( ကေအက်စ်အမ် )ဘွဲ့များရသည်။၁၉၁၈ခုနှစ်တွင် စစ်စရိတ်ငွေတော်ချေးငှားခြင်း စာတမ်းကိုပြုစုသည်။၁၉၂၄ခုနှစ်တွင် ရန်ကုန်တက္ကသိုလ် သင်ခန်းစာများ ပြဌာန်းရေးကော်မတီ အဖွဲ့ဝင်၊တက္ကသိုလ် ဗုဒ္ဓဘာသာအသင်း ဥက္ကဌအဖြစ် ဆောင်ရွက်သည်။ ၁၉၀၆ခုနှစ်တွင် တည်ထောင်သည့် ဗုဒ္ဓဘာသာကလျာဏယုဝအသင်း ( ဝိုင်အမ်ဘီအေ )၏ အမျိုးဘာသာ သာသနာဆိုင်ရာ လူပ်ရှားမှူများတွင် ပါဝင်ခဲ့သည်။
အစိုးရဝန်ထမ်းအဖြစ် ကျောက်ဆည်နယ်၌ လယ်ဝန် တာဝန်ထမ်းဆောင်စဉ် ဝါသနာအရ မြန်မာစာပေနှင့် ဗုဒ္ဓအဘိဓမ္မာကို လေ့လာလိုက်စားခဲ့သည်။၁၈၉၅ခုနှစ်မှ စတင်၍ ဗုဒ္ဓအဘိဓမ္မာကို ဆရာတော် ဦးဂန္ဓမာနှင့် လယ်တီဆရာတော်တို့ထံ၌ လေ့လာခဲ့သည်။ရိုးရာ မှော်ပညာ၊အဂ္ဂရတ်ပညာများကိုလည်း လိုက်စားခဲ့သည်။
ဦးရွှေဇံအောင်၏ မြန်မာဘာသာဖြင့် ပြုစုခဲ့သော ကျမ်းကြီးများမှာ ဇရာလက္ခဏာဒီပနီကျမ်း ( ၁၉၀၈)၊တက္ကိယနယ ဒီနီကျမ်း (၁၉၁၀)၊ကာယင်္ဂသမ္ပါယ ဒီပနီကျမ်း (၁၉၁၅)၊ ရူပဒီပနီကျမ်း( ၁၉၁၅)လူမျိုး တစ်ရာ့တစ်ပါးကျမ်း (လက်ရေးမူ)များရေးသားပြုစုခဲ့သည်။
အင်္ဂလိပ်ဘာသာဖြင့် ထုတ်ဝေခဲ့သောကျမ်းများမှာ ကထာဝတ္တု ( Kahta Vuttu)၊ယမိုက်ကျမ်း (Yamaka)၊ အဘိဓမ္မာ သင်္ဂါဟကျမ်း ( Compandium of buddhist philosophy)ကိုလန်ဒန်ပါဋိ စာပေအသင်းက ပုံနှိပ်ထုတ်ဝေ၍ ကမ္ဘာကို ဖြန့်ချီနိုင်ခဲ့သည်။ လယ်တီဆရာတော်နှင့် ပါဋိစာပေအသင်း ဆက်သွယ်ရေးတွင် အင်္ဂလိပ် ဘာသာပြန်အဖြစ် ဆောင်ရွက်ပေးရသည်။ အင်္ဂလိပ်ဘာသာဖြင့် ထုတ်ဝေသော မြန်မာနိုင်ငံ သုတေသနအသင်းဂျာနယ်တွင် ပညာရပ်ဆိုင်ရာ စာတမ်း၊ဝေဖန်ချက်၊ မှတ်ချက် ၂၃ စောင် ရေးသားခဲ့သည်။
ရန်ကုန်တက္ကသိုလ်က ဦးရွှေဇံအောင်အား စာပေပါရဂူ ( ဒီလစ် )ဘွဲ့ပေးအပ်ရန် စီစဉ်နေဆဲ ၁၉၃၂ ခုနှစ် မေလ ၁၁ ရက်တွင် ကွယ်လွန်ခဲ့သည်။

ရခိုင်စာပေ မြန်မာနိုင်ငံအနှံ့သို့
မြန်မာစာပေအဖြစ်ဖြင့်ရောက်ရှိသွားရပုံ
သမိုင်း အကျဉ်း
**************************

မြန်မာရာဇဝင်များဖေါ်ပြချက်အရ " ပု-ပင်း-အင်း-တောင်-
ညောင်ရမ်းနောင်-ကုန်ဘောင်နှစ်ခေတ်တွဲ" ဟူသည်နှင့်
အညီ မြန်မာတို့တွင်
(၁) ပုဂံခေတ်
(၂) ပင်းယခေတ်
(၃) အင်းဝခေတ်
(၄) တောင်ငူခေတ်
(၅)ညောင်ရမ်းခေတ
်(၆) အမရပူရခေတ်
(၇) မန္တလေးခေတ် ဟူ၍ ခေတ်ကြီးခုနစ်ခေတ်ရှိခဲ့လေ
သည်။

ရခိုင်တို့တွင်" ဒွါ- ဝေ - ဓည- ပဒုတထား- ကျောက်လှေ
ကားဝေသာ- လေးမြို့လာ- သုံးဖြာမြောက်ဦးခေတ်" ဟူ
သည်နှင့်အညီသမိုင်းမတင်မှီ
(၁) ဒွါရာဝတီခေတ်
(၂) ဝေသာလီခေတ်ဟူ၍ နှစ်ခေတ်

သမိုင်းတင်ပြီးနောက်
(၃) ပထမဓညဝတီခေတ်
(၄) ဒုတိယဓညဝတီခေတ်
(၅) တတိယဓညဝတီခေတ်
(၆) ကျောက်လှေကားဝေသာလီခေတ်
(၇) လေးမြို့ခေတ်
(၈) ပထမမြောက်ဦးခေတ်
(၉) ဒုတိယမြောက်ဥိးခေတ်
(၁၀) တတိယမြောက်ဦးခေတ် ဟူ၍ ရှစ်ခေတ်
စုစုပေါင်း (၁၀) ခေတ်ရှိခဲ့လေသည်။

ထိုခေတ်အဆက်ဆက်တို့တွင် မြန်မာနိုင်ငံပုဂံကို
"ကြာ-အိုး-အံ-ပုဂံတည်" ဟူသောရာဇဝင်လင်္ကာအရ
ပျဉ်ပြားမင်းသည် မြန်မာသက္ကရာဇ်(၂၁၁) ခုတွင်တည်ထား
ခဲ့ပြီး ထိုနှင့်ခေတ်ပြိုင်ရခိုင်ပြည်၌ ယင်းမတိုင်မှီ(၃၁)နှစ်အလို
သက္ကရာဇ်(၁၈၀)ခုကပင် ခေတ္တသင်မင်းကြီးသည် လေးမြို့
ခေတ်ဦးပဉ္စာမြို့ကိုတည်ထားခဲ၍ စည်ပင်နေလြေီပီ။

ထိုပဉ္စာမြို့တည် ခေတ္တသင်မင်းကြီးနောက် သုံးဆက်
မြောက်ဖြစ်သော မင်းရင်ဖြူသည် သက္ကရာဇ်(၂၀၉) ခုတွင်
ပဉ္စလောဟာရတနာတို့ဖြင့် ဆင်းတုတော်တစ်ဆူကိုသွန်း
လုပ်ပူဇော်ခဲ့ပြီး ပလ္လင်တော်စမ္မခဏ်၌ ရက္ခဝဏ္ဏအက္ခရာခေါ်
ရခိုင်စာပေအက္ခရာဖြင့် ကောင်းမှုရှင်စာတမ်းထိုးထားခဲ့ပါ
သည်။ ဥာဏ်တော်မှာယခုအတိုင်းအတာဖြင့် ၁၄့ ၃လက်မ
မြင့်ကာ လက်ရှိ စစ်တွေမြို့ ခေါင်းလောင်းကျောင်းတွင်
ပူဇော်ခံလျှက်ရှိနေပါသည်။

မူလစမ္မခဏ်စာမှာ" သက္ကရာဇ်---၉ ခု ကဆုန်လဆန်း
၆ ရက် ၂လာ ၅နာရီကျော်----ရောက်-----ကြီးသွန်းအဲ
သည် ငင်္ရင်္မဖြူကောင်းမှု ပဉ္စလောဟာဖြင့်ပြီးပြည့်စုံသည်
ဘုရားပြုသောအကျိုဝ်အားဖြင့် ဘုရားမချွတ်ဖြစ်စေသောဝ်
ဟူ၍ဖြစ်ပါသည်။

ဖြည့်စွက်အဓိပ္ပါယ်ဖေါ်ယူရလျှင် "သက္ကရာဇ် ၂၀၉ ခု
ကဆုန်လဆန်း ၆ ရက် တနင်္လာနေ့ ၅ နာရီကျော်အချိန်
ရောက် ဘုရားကြီးသွန်းအပ်သည် ပဉ္စလောဟာဖြင့်ပြီးပြည့်
စုံသည် ဘုရားပြုလုပ်ရသောအကျိုးအားဖြင့် ဘုရားမချွတ်
ဖြစ်စေသော်ဝ်" ဟူ၍ဖြစ်ပါသည်။

ဤကား ယနေ့မြန်မာစာပေဟူ၍သတ်မှတ်ခံထားရ
သော ရခိုင်စာပေကို ရခိုင်ဒေသ၌တွေ့ရသောအထောက်
အထားများစွာအနက်မှ တစ်ခုဖြစသည်။

ဤစာပေအက္ခဖြင့် မြန်မာတို့ဒေသ၌ ရှေးဦးစွာတွေ့ရှိရ
သောစာပေသက်သေမှာ မြစေတီကျောက်စာဖြစ်ပါသည်။
မြစေတီကျောက်စာကို ပုဂံပြည့်ရှင်အနော်ရထာ၏မြေး
ကျန်စစ်မင်း၏သားတော် ဇေယျခေတ္တရာဘွဲ့ခံ ရာဇကုမာရ
မင်းသားက ကောဇာ(၄၇၅)ခု (အေဒီ ၁၁၁၃)တွင်တည်
ထားခဲ့ကြောင်း ရာဇဝင်မှတ်တမ်းများကပြဆိုကြပါသည်။

အဆိုပါ စာပေနှစ်ခုကိုနှိုင်းယှဉ်လိုက်သောအခါ
မြစေတီကျောက်စာသည် မင်းရင်ဖြူဘုရားစမ္မခဏ်စာ
နောက် နှစ်ပေါင်း (၂၆၆)နှစ်ပင်နောက်ကျကြောင်း
တွေ့ရှိရပါသည်။

ဤသို့ဆိုလျှင် ပုဂံပြည်၌ ရှေးယခင်ကစာပေမရှိခဲ့လေ
သလောဟူငြားအံ့။ ရှိခဲ့ပါသည်။ ရှိခဲ့သောစာပေမှာ ပျူစာ
ပေဖြစ်ပါသည်။ ထိုပျူစာပေကိုလည်း မြစေတီကျောက်စာ
မှာပင်နောက်ဆုံးတွေ့ရခြင်းဖြစ်သောကြောင့် မြစေတီ
ကျောက်စာကို မြန်မာစာပေ၏အစ ပျူစာပေနိဂုံးဟု
သုတေသီများသတ်မှတ်ထားကြပါသည်။

ယင်းသို့ဖြစ်လျှင် မြစေတီကျောက်စာတွင် မှတ်တမ်း
တင်ရလောက်အောင်ဖွံ့ဖြိုးခဲ့သောပျူစာပေသည် ရုတ်တရက်
ပျောက်ကွယ်၍ ယခင်ကမရှိခဲ့ဘူးသောမြန်မာစာပေသည်
ကောင်းကင်ကကျလာသလို ချက်ချင်း အဘယ်ကြောင့်
ဖွံ့ဖြိုးပြီးသားပေါ်လာရပါသနည်း။ အကြောင်းကိုသမိုင်း
သက်သေရှာဖွေကြရမည်ဖြစ်ပါသည်။

အဖြစ်မှန်ကားဤသို့ပင်ဖြစ်ပါသည်။
ရခိုင်ပဉ္စာမြို့ (၁၂) ဆက်မြောက်ဘုရင် မင်းဘီလူးကို
ဝရောင်းငှက်ခေါ် အမတ်အသင်္ခယာပုန်စားသောကြောင့်
အိမ်ရှေ့မင်းသား မင်ရဲဘယသည် မိဖုရားစောပေါက်ညို
(ပေါက်ညိုမြ)နှင့် အမတ်ပညာရှိ အခြွေအရံပရိသတ်ကို
အတူခေါ်လျှက် သက္ကရာဇ်(၃၄၆) (အေဒီ ၉၈၄)တွင်
ဘူးရွက်မညှိုးလမ်းမှ ပုဂံပြည်သို့ရှောင်တိမ်းကာအနော်ရ
ထာမင်းစောထံ ခိုလှုံခစားခဲ့ပါ၏။(သက္ကရာဇ်ကွဲချက်ရှိ)

ထိုအချိန်ကား အနော်ရထာမင်းစောသည်ပုဂံပြည်တွင်
မူလကကိုးကွယ်နေသောအရေးကြီးသာသနာကို ဖြိုခွင်း
သုတ်သင်နေသောအချိန်ကာလဖြစ်၏။ ပုဂံပြည်သုံးစာပေ
ဖြစ်နေသော ပျူစာပေမှာ အရေးကြီသာသနာမှသင်ယူရ
သောစာပေဖြစ်နေ၏။ အရေးကြီးတို့သည် သူတို့၏ လုပ်ကြံဖန်တီးထားသောဝါဒမျာကို ပျူစာပေဖြင့်မှတ်တမ်း
တင်ထားကြ၏။ ထို့ကြောင့် ပျူစာပေသည် ထိုအချိန်က
အရေးကြီးစာပေဖြစ်နေလေသည်။

အရေးကြီးသာသနာကိုသုတ်သင်ဖြိုခွင်းရာတွင် ပျူစာပေ
သင်ကြားရေးသည် ဘုရင်ကမျက်နှာသာမပေးသောရန်သူ့
စာပေအဖြစ်သတ်မှတ်ခံရသောကြောင့် အရေးကြီစာပေများ
ကိုမီးရှို့ဖျက်ဆီးလိုက်ကြသောအခါ ပျူစာပေတို့သည် အရေး
ကြီးသာသနာနှင့်အတူ ချက်ချင်းရပ်ဆိုင်းကာ တိမ်ကော
ပျောက်ကွယ်သွားခဲ့ရလေသည်။ ဤကား ပျူစာပေ၏
နိဂုံးပင်ဖြစလေသည်။

အခြားတစ်ဖက်တွင်ကား ရခိုင်အိမ်ရှေ့မင်းသား မင်းရဲ
ဘယနှင့်အတူလိုက်ပါလာကြသောအမတ်ပညာရှိများသည်
လကျာ်မင်းနံ ရွှေဂူသာတို့ကဲ့သို့မင်းသားမင်းသမီးငယ်များ
နှင့် မိမိတို့၏သားငယ်သမီးငယ်မျာကို မိမိတို့ရခိုင်စာပေကို
သင်ကြားမြဲသင်ကြားလျှက်သာရှိနေကြ၏။ ထို အမတ်
ပညာရှိများသည် ဗုဒ္ဓဘာသာဝင်များဖြစ်ကြသောကြောင့်
ပိဋကတ်သုံးပုံကို ကျွမ်းကျင်စွာတတ်မြောက်ကြသူများဖြစ်၏

အနော်ရထာမင်းကြီးသည် သထုံမှ ပိဋကတ်တော်များ
ရလာသောအခါ ထိုပိဋကတ်တော်လာတရားတော်များကို
နားလည်နိုင်ရေး သင်ယူနိုင်ရေးအတွက် ကျွမ်းကျင်သူ
ပညာရှင်များအထူးလိုအပ်လာလေသည်။ ထိုအခက်အခဲ
ဟူသမျှကို ရခိုင်ပညာရှိအမတ်များက ကူညီသင်ကြား
ဖြေရှင်းပေးကြ၏။ ထိုအခါ ရာဇကုမာရတို့ကဲ့သို့မင်းသား
မင်းသမီးငယ်များ တိုင်သူပြည်သားတို့၏ကလေးသူငယ်များ
သည် ပိဋကတ်စာပေတတ်မြောက်ရေးအတွက် ရခိုင်ပညာရှိများထံမှသင်ယူကြ၏။

ရခိုင်ပညာရှိအမတ်များသည် ရခိုင်စာပေအက္ခရာဖြင့်
ပုဂံမင်းသားမင်းသမီးကလေးသူငယ်များကိုသင်ကြားပေး
ကြပါ၏။ ထို့ကြောင့်နောင်မကြာမှီ မြစေတီကျောက်စာမှ
မြန်မာစာပေ သည် မိုးကောင်းကင်မှ ဥပပတ်ပဋိသန္ဓေဖြင့်
နတ်သားနတ်သမီးကျလာဘိသကဲ့သို့ ဘွားကနဲ့ပေါ်ပေါက်
လာခြင်ဖြစ်ပါသည်။

ဤသို့ဖြင့် ရခိုင်စာပေသည် မြန်မာစာပေဟူသောအမည်သစ်ကိုခံယူလျှက် မြန်မာနိုင်ံ
အနှံ့ ပြန့်နှံ့သွားရပါသတည်း

ပညာပါရမီဆရာတော်(ဦးရာဇ်မြီ)
-----------------------------------------------------------------

ကျမ်းကိုး
(၁) သမန္တစက္ခုဒီပနီ(မုံရွေးဇေတဝနဆရာတော်ကြီး)
(၂) ရခိုင်ရာဇဝင်သစ်ကျမ်း (အရှင်စန္ဒမာလာလင်္ကာရ)
(၃) မြစေတီကျောက်စာ(လှသမိန်)
(၄) ပုဂံခေတ်နိုင်ငံရေးသမိုင်း(ဒေါက်တာသန်းထွန်း)
(၅) တနေ့တလံ ပုဂံဘယ်ပြေးမလဲ(ဒေါက်တာသန်းထွန်း)
(၆) ကျောင်းသုံးမြန်မာရာဇဝင် (ဦးဘသန်း)
(၇) မင်းရင်ဖြူကောင်းမှု စမ္မခဏ်စာ
(၈) သာသနာလင်္ကာရစာတမ်း(မဟာဓမ္မသင်္ကြန်)်

Parami Saradaw ဆရာတော် ရေးသားသ

၁၉၈၄ ခုနှစ်ဒီဇင်ဘာ (၂၆) ရက်နေ့တွင် ဗမာပြည် သဲကုန်း သပိတ်အိုင် တောရဆရာတော် အရှင် အရှင်ညာဏိဿရ အမှူးပြုသော ဆရာတော်ကြီး (၄)ပါးသည် မြောက်ဦးသို့ ဘုရားဖူးရောက်ရှိကြပါသည်။ ထိုစဉ် ရခိုင်ပြည် သာသနာရေးကိစ္စနှင့် ရခိုင်-မြန်မာ ပဏ္ဍိတ်ဆရာကြီး ဦးဦးသာထွန်းအား မေးခွန်းကြီး (၆) ခွန်း မေးခဲ့ပါသည်။

ယင်းသို့ ဆရာတော် ဦးညာဏိဿရ( ယခုသာသနာ့ ဥသျှောင် ပီနန်ဆရာတော် (၀ါ) သီတဂူဆရာတော်ကြီး) အမေးနှင့် ဆရာကြီး၏ အပြည့်အစုံ ဖြေကြားချက်များကို ပြန်လည်၍ ဆရာကြီးက အသံသွင်းပေးခဲ့သည်။ ဆရာကြီးသည် ရခိုင်စကားဖြင့် အသံသွင်းခဲ့သည်ကို မြန်မာပြည်ရှိတိုင်းရင်းသားများအားလုံးဖတ်ရှုနိုင်ရန်အတွက် မြန်မာစကားပြေဖြင့် ပြန်လည်၍ ရေးသားတင်ပြလိုက်ရခြင်းဖြစ်သည်။

ဆရာတော် ဦးညာဏိဿရ၏ မေးခွန်းကြီး (၆) ခွန်း
မေးခွန်း (၁)
ရခိုင်ပြည် သာသနာသည် ထေရ၀ါဒ ဗုဒ္ဓသာသနာမှ ဆင်းသက်လာသော သာသနာမဟုတ်၊ မဟာယာန ဂိုဏ်းမှ ဆင်းသက်လာသော သာသနာဖြစ်သည်။
ဤအကြောင်းကို ဖြေရှင်းပေးပါ။
မေးခွန်း (၂)
ဗုဒ္ဓ၏ ပါဠိတော် အဋ္ဌကထာနှင့် သင်္ဂါယနာ ခြောက်တန်စသည်တို့တွင် မပါရှိပဲ ရခိုင်ပြည်သို့ မြတ်စွာဘုရား ကြွရောက်လာခဲ့သည်ဟု ရခိုင်ပြည်တွင် ရေးသားပြောဆိုနေကြသည်မှာ ဘုရားဟောတရားတော်နှင့် မကိုက်ညီပါ။
ဤအကြောင်းကို ဖြေရှင်းပေးပါ။
မေးခွန်း (၃)
ဗုဒ္ဓ၏ပါဠိတော် အဋ္ဌကထာစသည်တို့၌ မပါရှိပဲ မြတ်စွာဘုရားသည် စန္ဒသူရိယမင်းကြီးနှင့် တွေ့ဆုံပြီး မဟာမြတ်မုနိဘုရားကို သွန်းလုပ်ခဲ့သည် ဟုရေးသားပြောဆိုကြသည်။
ဤအကြောင်းကို ဖြေရှင်းပေးပါ။
မေးခွန်း (၄)
သင်္ဂါယနာ ခြောက်တန်သာ ကမ္ဘာက အတည်ပြုထားသည်။ ရခိုင်ပြည်တွင် သင်္ဂါယနာတင်ခဲ့သည်ဟု ရေးသားပြောဆိုနေကြသည်။ ဤသို့ပြောဆိုနေကြခြင်းသည်လည်း မဟာအမှားဖြစ်သည်။
ဤအကြောင်းကိုလည်း ဖြေရှင်းပေးပါ။
မေးခွန်း (၅)
ရခိုင်ပြည်ရှိ ဓါတ်တော်များကို ကျောရိုးတော်ဓါတ်၊ ဦးရာဇ်တော်ဓါတ်၊ လည်ရိုးတော်ဓါတ်စသည်ဖြင့် အမျိုးမျိုး အမည်ပေးထားကြသည်။ ဤအကြောင်းကိုလည်း ပါဠိတော် အဋ္ဌကထာစသည်တို့တွင် မတွေ့ရ၍ ဖြေရှင်းပေးပါ။
မေးခွန်း (၆)
ရခိုင်ပြည်တွင် အသုံးပြုသော ပိဋကတ် ပါဠိတော်များမှာ မြန်မာမူဖြစ်သလော၊ မည်သည့်မူ ဖြစ်သနည်း။ သင်္ဂါယနာ ခြောက်တန်တွင် ပါသောမူဖြစ်သလော ဖြေရှင်းပေးပါ။
ကတိနှစ်ခု တောင်းခံခြင်း
အရှင်ဘုရား တပည့်တော်အား မေးထားသော မေးခွန်းများကို လွယ်ကူစွာ ဖြေရှင်းနိုင်သည်။ သို့သော် အရှင်ဘုရားက တပည့်တော်အား ကတိနှစ်ခု ပေးရပါမည်။ သို့မှသာ တပည့်တော်ဖြေကြားနိုင်ပါမည်။ ကတိများကို မယူဆိုပါလျှင် တပည့်တော် တခွန်းမျှ ပြန်မဖြေပါ… ဘုရား။
ဆရာတော်က “မည်ကဲ့သို့ ကတိများပါသနည်း” ဟု မေးသောအခါ ပထမကတိမှာ “ တပည့်တော်ပြောသော စကားများကို တစ်လုံးမျှ မယုံပါဘူး ဆိုသော ကတိပါ။ အဘယ်ကြောင့် ဤကတိမျိုးကို တောင်းရပါသလဲကို ဥပမာပြုပါမည်။ မြတ်စွာဘုရားသခင်သည် “ကေသမုတ္တိ” သုတ္တန်ကို ကာလမပုဏ္ဏားရွာ၌ သံသယကင်းရှင်းရန်အတွက် ဟောကြားခဲ့ပါသည်။ ဆရာ၊ မိဘ အစရှိသောသူများ အစဉ်အဆက်မပြတ်ပြောသောစကားများကို မယုံပါနှင့်၊ ငါဘုရား ဟောသည်ဟူ၍လည်း မယုံပါနှင့်၊ စာအုပ်ကြီး၌ ပါရှိသည်ဟူ၍လည်း မယုံပါနှင့် အစရှိသည်ဖြင့် ဟောကြားခဲ့ပါသည်။ ငါဘုရား ဟောသည်ဟူ၍လည်း မယုံပါနှင့်ဆိုလျှင် အဘယ်ကို ယုံရပါမည်နည်း ဟုမေးစရာရှိလာပါသည်။
ဘုရားရှင်က ကျိုးကြောင်း စပ်မှယုံ၊ ကြောင်းကျိုးစပ်မှ ယုံ ဟုဟောကြားခဲ့ပါသည်။ ကျိုးကြောင်း၊ ကြောင်းကျိုးစပ်၍ မှန်ကန်သောစကားမှာ ဘုရားစကားသာဖြစ်ပါသည်။ ဘုရား၏စကားသည် မှားသည်ဟူ၍ မရှိပါ။ ထို့ကြောင့် တပည့်တော်ပြောသော စကားများကိုလည်း ဤဥပမာ၌ရှိသော ယုတ္တိ သုံးပါးနှင့်တကွ ဘုရားရှင်သည် နောက်ဆုံးပရိနိဗ္ဗာန်မစံမှီ သုဘန္ဒရဟန်း ကြီးအား ဟောထားသည့်အတိုင်း မဟာပဒေသတရားတော် လေးပါးနှင့် ပြည်စုံပါလျှင် ယုံပါဆိုသော ကတိကို ခံစေချင်၍ ပြောကြားခြင်း ဖြစ်ပါသည်။ ထို့ကြောင့် တပည့်တော်ပြောသော စကားရပ်ဤအင်္ဂါရပ်နှင့် ပြည့်စုံမှသာ ယုံပါ။ မပြည့်စုံပါက မယုံပါနှင့် ဟုဆိုလိုခြင်းဖြစ်ပါသည်..ဘုရား။ သို့မဟုတ်ပါက တပည့်တော်မှာ အကျိုးမဖြစ်ဘဲ အပြစ်သာဖြစ်ပါသည်။
အဘယ့်ကြောင့်ဆိုသော် တပည့်တော်သည် ဘုရားမဟုတ်သောကြောင့်ပါ… ဘုရား။ ဗုဒ္ဓစကားသည် တခွန်းတည်းနှင့် မှန်ကန်ပါသည်။ တပည့်တော်သည် ပုထုဇဉ်ဖြစ်သောကြောင့် အမှားရှိပါမည်။ ယင်းအမှားကို ထောက်ပြလျှင် တပည့်တော် ၀မ်းသာပါမည်။ ထို့ကြောင့် အရှင်ဘုရားသည် တပည့်တော်ပြောသော စကားများကို ယုတ္တိသုံးပါးနှင့် မကိုက်ညီလျှင် မဟာပဒေသတရားနှင့် မကိုက်ညီလျှင် အရှင်ဘုရားထပ်၍ မေးခွန်းထုတ်ပါ။ တပည့်တော် စကားကို ထပ်၍ မေးခွန်းမထုတ်လျှင် တပည့်တော်ပြောသော စကားကို အရှင်ဘုရားလက်ခံယုံကြည်ပြီး မှန်ကန်သည်ဟု မှတ်ယူရပါမည်.. ဘုရား။ ဤကတိကို အရှင်ဘုရားတို့ထံမှ ရယူပါမည်။ ထိုအခါ စစ်ကိုင်းဆရာတော်ကြီးက ဆရာတော်ဦးညာဏိဿရအား ကတိခံယူရန်ပြောပါသည်။
ဒုတိယကတိမှာ ဤနေရာ၌ မပြောအပ်သော စကားဖြစ်ပါသည်။ အရှင်ဘုရားက ပြောသာပြောပါ ကိစ္စမရှိပါဟု ဆိုလျှင် တပည့်တော် ပြောပါမည်။ ဆရာတော်ကြီးများက ပြောပါဟုဆိုသဖြင့် ဆရာကြီးကထက်၍ ပြောပါသည်။ ရခိုင်ပြည်သည် ကိုလိုနီစနစ်နှင့် အုပ်ချုပ်ပြီး ကျွန်သက်ရှည်လာခဲ့သည်မှာ နှစ်ပေါင်း (၂၀၀) ရှိပါပြီ… အရှင်ဘုရား။

နှစ်ပေါင်း (၂၀၀) အတွင်း ပြည်ထောင်စု တိုင်းရင်းသားများ မြန်မာပြည်လွတ်လပ်ရေး တောင်းဆိုကြသောအခါ ရခိုင်လူမျိုးများလည်း ပါဝင်ခဲ့သည်။ လွတ်လပ်ရေးရသည့်အချိန်တွင် ရခိုင်လူမျိုးများလည်း ပြည်နယ်တောင်းခဲ့ကြပါသည်။ သို့သော် ရခိုင်ကို ပြည်နယ်မပေးခဲ့ပါ။ ဤစကားများကို မပြောအပ်ဘဲနှင့် ပြောနေရပါသည်။ ရှမ်း၊ ကချင်၊ ကရင်တို့က ပြည်နယ်ရပြီး ရခိုင်ကပြည်နယ်မရရှိခြင်းသည် စာအားဖြင့်သော်လည်းကောင်း၊ အခြေအနေအားဖြင့်သောလည်းကောင်း ရခိုင်ပြည်သည် အလွန်သေးငယ်သောကြောင့်လော၊ အလွန်နိမ့်ကျသောကြောင့်လော ပေးလည်းမပေးအပ်ဟု အထင်မှား အမြင်မှား ဖြစ်ကြရပါသည်။ မဆလ အစိုးရတက်လာသောအခါ ရခိုင်ပြည်ကို ပြည်နယ်ပေးအပ်ခဲ့ပါသည်။ သို့သော် တိုင်းနှင့်ပြည်နယ် (၁၄)ခုတွင် မဖွံ့ဖြိုး၊ မတိုးတက်ဆုံး ဖြစ်နေပါသည်။
အရှင်ဘုရား ယခုထိုင်နေရာနေရာမှ အနောက်သို့ နောက်ပြန်ကြည့်လိုက်ပါ။ ရှစ်သောင်းဘုရားကြီးရှိပါသည်။ ကျောက်တုံးကြီးများဖြင့် လိုဏ်အထပ်ထပ်တည်ထားပါသည်။ ထိုဘုရား၏ နောက်မှာ ထုက္ကန်သိမ်ဘုရား၊ ရတာနပုံဘုရားနှင့် အံတော်သိမ်များကို မြင်တွေ့ရပါလိမ့်မည်။ ယခုအချိန်ကဲ့သို့ မဖွံ့ဖြိုးသေးဘဲ သေးငယ်နေသောအချိန်အခါတွင် တည်ထားခဲ့သော အဆောက်အအုံများ မဟုတ်ပါ။
ဤကဲ့ကြီးကျယ်သော အဆောက်အအုံမျိုးကို သာမန်ဘုရင်များ မတည်နိုင်ပါ။ နန်းတော်ကုန်းကို တည်ဆောက်ထားသော ကျောက်တုံးများကိုလည်း အရှင်ဘုရားမြင်ပြီး ဖြစ်ပါသည်။ ယင်းကြောင်း ဤအဆောက်အဦးများကို တည်ဆောက်ခဲ့သော အချိန်သည် ရခိုင်၌ ကိုယ့်မင်း ကိုယ့်ချင်း၊ ကိုယ့်ထီး ကိုယ့်နန်းနှင့် ကိုယ့်ဘာသာ သာသနာနှင့် ကြီးပွားထွန်းကားနေသော အချိန်ဖြစ်နေသည်ကို အရှင်ဘုရားစိတ်မှာ မှတ်ထားရပါလိမ့်မည်။ သို့မှသာ တပည့်တော်ပြောသောစကားများကို သဘောပေါက်နားလည်ပါလိမ့်မည်။
ထို့ကြောင့် ရခိုင်တို့သည် ရှေးအခါက ခမ်းနားကြီးကျယ်ခဲ့သည်ကို စိတ်ထဲ၌ မှတ်ထားရန် ကတိကို ခံယူပါဘုရား။ ဆရာတော်များက ဒုတိယကတိကိုလည်း ခံယူကြောင်း ပြောပါသည်။

ဆရာကြီး ဦးဦးသာထွန်း၏ ပြန်လည်ဖြေကြားချက်

ရခိုင်ပြည်သည် သူတပါးလက်အောက်ကျရောက်သည့် ရခိုင်သက္ကရာဇ် (၁၁၄၆) ခုနှစ် (ခရစ်သက္ကရာဇ်- ၁၇၈၄ ခုနှစ်) မှစ၍ သာသနာညိုးနွမ်းခဲ့သည်မှာ ယနေ့တိုင်ဖြစ်သည်။ သာသနာရေးဆိုင်ရာ စာအုပ်တစ်အုပ်မျှ မထွက်ခဲ့ပါ။ ထိုခေတ်မှစပြီး စာပေ၀ါသနာ အလွန်ပါသူများသည် ပေစာများကို တဆင့်ကူးယူပြီး စာမူတစ်ခုကို ငါးစောင်၊ ဆယ်စောင် စသည်ဖြင့် ပွားခဲ့ကြရပါသည်။ စာပုံနှိပ်ခေတ် ရောက်သောအခါ ဟောင်းနွမ်းနေသော စာပေများကို လည်း ထပ်မကူး၊ ပုံနှိပ်စာအုပ်ကလည်း မထွက်နိုင် သည့်အတွက်ကြောင့် အဟောင်း အဟောင်းဖြစ်သော စာပေများလည်း ကွယ်ပြီး အသစ်အသစ်ဖြစ်သော စာပေများလည်း မထွက်သည့်အတွက်ကြောင့် ရခိုင်စာပေကွယ်ပျောက်လုမတတ် ဖြစ်ခဲ့ပါသည် ဘုရား။

သို့သော် ရခိုင် အမျိုးသား သမိုင်းသုတေသီများက ရခိုင်တို့၏ သာသနာရေး၊ ဘာသာရေးစာပေများကို သုတေသန လုပ်နည်း (၂) မျိုးရှိပါသည် ဘုရား။ တမျိုးမှာ ၀ိဇ္ဖာနည်းဖြစ်၍ အခြားတနည်းမှာ သိပ္ပံနည်းဖြစ်ပါသည် ဘုရား။ သိပ္ပံနည်းမှာ ငွေကုန်များ၍ မတတ်နိုင်ပါ။ ၀ိဇ္ဖာနည်းဖြင့် သုတေသန လုပ်ခဲ့ရပါသည်။ တပည့်တော်တို့၏ ရခိုင်တွင် ရခိုင်စကား “မဆမခြေရာကောက်နည်း ( မုဆိုးမ ခြေရာကောက်နည်း)” ဟု ခေါ်ပါသည်။ ဤနည်းဖြင့် သုတေသနရှာဖွေရပါသည် ဘုရား။ ဤနည်းဖြင့် တပည့်နော်တို့ရှာလိုက်သောအခါ ရခိုင်သမိုင်းတွင် မြောက်ဦးမြို့သည် နောက်ဆုံးမြို့ ဖြစ်ပါသည်။ ယခုအရှင်ဘုရားတို့ မြင်နေရသော ဘုရားစေတီများမှာ မြောက်ဦးခေတ် မင်းစောမွန် လက်ထက်ကစပြီး တည်ထားခဲ့သော ဘုရားစေတီများ ဖြစ်ပါသည်။ ဤသာသနာသည် မြောက်ဦးခေတ်တွင် စတင်ခဲ့သလော ( သို့မဟုတ်) မည်သည့်ခေတ်ကပင် စခဲ့သည်ကို သိရှိရန်အတွက် နောက်ကို တလှမ်းဆုတ်ကြည့် ပါသည်။ ထိုမြောက်ဦးခေတ် မတိုင်မှီ လောင်းကြက်ရှိခဲ့ကြောင်း သိရပါသည်။ ထို့ကြောင့် မြောက်ဦးခေတ်သည် လောင်းကြက်ခေတ်မှ ဆင်းသက်လာကြောင်း သိရပါသည် ဘုရား။ လောင်းကြက်သာသနာကို ကြည့်လိုက်သောအခါ ထိုခေတ်တလျှော်ကလုံး ကျောက်ဆင်းတုဘုရား၊ ကျောက်စာများကို လောင်းကြက်ခေတ် အက္ခရာများ၊ သက္ကရာဇ်များဖြင့် အတိအကျ တွေ့ရပါသည် ဘုရား။

ရက္ခ၀ဏ္ဏအက္ခရာ

လေးမြို့ခေတ် သည် မည်သည့်ခေတ်မှ ဆင်းသက်လာသနည်း ဆိုသည်ကို နောက်သို့ တလှမ်းဆုတ်လိုက်သောအခါ ဝေသာလီခေတ်ကို တွေ့ရပါသည်။ ဝေသာလီခေတ်ကို ရောက်သောအခါ ရခိုင်စာပေအရးအသားမှာ အက္ခရာများ ပြောင်းလဲလာပုံကို တွေ့ရှိရပါသည်။ လေးမြို့ခေတ်အစပိုင်းမှာ ဝေသာလီခေတ်က ရွေ့လျားလာသော ရက္ခ၀ဏ္ဏအက္ခရာဟု ခေါ်သော ရခိုင်အက္ခရာနှင့် အသုံးပြု ရေးသားခဲ့သည်။ ရခိုင်တို့၏ လေသံ။ လေယူလေသိမ်းများဖြင့် ရေးထားသဖြင့် ရက္ခ၀ဏ္ဏအက္ခရာ ဟု ခေါ်ပါသည်။ ဝေသာလီခေတ်အစပိုင်းတွင် ဗြဟ္မီပွားအက္ခရာနှင့်ပင် ဝေသာလီခေတ်တွင် ဘာသာရပ်အနေဖြင့် ဘုရားတရားစာကို သက္ကတဘာသာဖြင့်ရေးပြီး အက္ခရာစာပေကို ရက္ခ၀ဏ္ဏအက္ခရာဖြင့် ရေးသားစ အချိန်လည်း ဖြစ်သည်။ ထိုအချိန်က သက္ကတဘာသာသည် ကမ္ဘာတွင် အင်္ဂလိပ်စာပေ လွှမ်းမိုးနေသကဲ့သို့ လွှမ်းမိုးနေသည့် အချိန်ဖြစ်ပါသည်။ ထို့ကြောင့် သက္ကတဘာသာဖြင့် ရခိုင်သမိုင်းကို ရေးထိုးထားခဲ့သည်ကို တွေ့ရှိရပါသည်။ ထိုကဲ့သို့ ရေးထိုးထားသော ကျောက်စာ အမြောက်အမြားရှိပါသည်။

ဝေသာလီခေတ်မှ နောက်သို့ တလှမ်းဆုတ်ကြည့်လိုက်သောအခါ ဓည၀တီခေတ် ကို ရောက်ရှိပါသည်ဘုရား။ ယင်းဓည၀တီခေတ်တွင်လည်း အသုံးပြုသောစ စာပေများရှိကြောင်းကိုလည်း တွေ့ရပါသည်။ ဤကဲ့သို့ မဆမခြေရာကောက်နည်းဖြင့် လေ့လာရာ ဓည၀တီခေတ်အား သိပ္ပံနည်းအားဖြင့် သမိုင်းမှတ်တိုင်နှင့် သမိုင်းရုပ်ကြွှုင်းဖြစ်သော ကျောက်စာနှင့် ကျောက်ရုပ်ထုများကိုလည်း အထင်အရှား တွေ့ရပါသည်။ ထိုသမိုင်းရုပ်ကြွင်းများမှာ အစစ်အမှန်များ ဖြစ်နေပါသည်။ တပည့်တော်တို့ ပိဋကတ်စာပေမှာ ပုံနှပ်စာအုပ်လည်း မရှိ။ ပေစာ၊ ပုရရိုက်စာများလည်း ကွယ်ပျောက်နေသောကြောင့် ထိုသမိုင်းရုပ်ကြွင်းများမှာယ မကွယ်မပျော်က လက်တွေ့ မြင်နိုင်တွေ့နိုင် သော အရာများ ဖြစ်နေ၍ ပစ်ပယ်၍ မရကောင်းပါ ဘုရား။ ဤ အပိုင်းကို ထပ်၍ ရှင်းပြပါအုန်းမည်။

တောင်ပေါက်ကြီး ကျောက်စာ

မြောက်ဦးခေတ်ကစပြီး ဓည၀တီခေတ်တိုင်အောင် သာသနာတော် ဆင်းသက်လာပုံကို ခြေရာကောက်ယူသည့်နည်းနှင့် သုတေသနပြုလိုက်သော အခါ သာသနာသည် ဓည၀တီခေတ်တွင် ဆုံးနေပါသည်ဘုရား။ ဓည၀တီခေတ်တွင် “နမောတဿ” ဂါထာတော်ပါရှိသည့် ဗြဟ္မီအက္ခရာနှင့် ရေးထိုးထာခဲ့သော တောင်ပေါက်ကြီးကျောက်စာ ရှိခဲ့ပါသည်။ ယင်းစာကို ရေးထိုးထားသောအက္ခရာစာလုံးများကို ကြည့်လိုက်လျှင် ဘီစီ(၃၀၀) ကျော်က အသောကမင်းကြီး ရေးထိုးခဲ့သော ကျောက်စာတွင် ပါရှိသည့် အက္ခရာစာလုံးများနှင့် အတူတူဖြစ်နေသောကြောင့် တစ်ခေတ်တဘည်းတွင် ရေးထိုးထားခဲ့သော ကျောက်စာဖြစ်ကြောင်း လက်ရေးလက်သား လေ့လာသော ပညာရှင်များမှ သုတေသနပြု မှတ်ချက်ချခဲ့ကြပါသည် ဘုရား။ယင်းကြောင့် ရခိုင်ပြည် ဓည၀တီခေတ်တွင် အိန္ဒိယမြောက်ပိုင်းက အသုံးပြုသည့် ဗြဟ္မီအက္ခရာများ ၀င်ရောက်နေပြီဖြစ်ကြောင်း သိရှိရပါသည် ဘုရား။

ဓည၀တီခေတ် တောင်ပေါက်ကြီး ကျောက်စာကို ထပ်၍ ရှင်းလင်းပါဦးမည်။ ယခု နိုင်ငံတော်က ထုတ်ဝေထားးသော မြန်မာ့စွယ်စုံကျမ်းသမိုင်းတွင် အက္ခရာဆင်းလာပုံ၌ မြန်မာအက္ခရာ ဆင်းသက်လာပုံကို ဗြဟ္မီအက္ခရာမှတဆင့် ယခုခေတ်ထိဆင်းသက်ပုံကို ရေးသားထားပါသည်။ မြန်မာအက္ခရာမှာ အိန္ဒိယ တောင်ပိုင်း ပလ္လ၀၊ ကဒမ၊ အလုကျ၊ တိလင်္ကာ ဆိုသော အက္ခရာများမှတဆင့် ဆင်းသက်လာပြီးလျှင် မြန်မာစာဖြစ်လာပါသည်။ ဆရာကြီး ဦးသာမြတ် ရေးသားသောစာအုပ်တွင် ဗြဟ္မီ၊ မာဂဓ၊ ပုတ္တ၊ ကြန္ဒ၊ ပလ္လ၀၊ ကဓမ ကနေပြီး ရာမညတိုင်းသို့ ဆင်းသက်လာကြောင်း ရေးသားထားပါသည်။ တပည့်တော်တို့ ရခိုင်ဘက်မှာ ဓည၀တီခေတ်၌ ဗြဟ္မီအက္ခရာ အသုံးပြုခဲ့ကြောင်း တွေ့ရှိရပါသည်။ သို့သော် ရာစုနှစ် တစ်ခေတ်ပြီး တစ်ခေတ် လက်ရေးပြောင်းလာသည့်အတွက် အက္ခရာပြောင်းလဲပုံမှာလည်း ပြောင်းလဲမှုရှိပါသည် ဘုရား။ ယင်းကြောင့် ဝေသာလီခေတ်တွင် ဗြဟ္မီ အက္ခရာမှ ဆင့်ပွားလာသော ဗြဟ္မီအက္ခရာဖြင့် ရေးသားထားသည်ကို တွေ့ရပါသည်။ ဓည၀တီခေတ်တွင် ကျမ်းဦးဂါထာတော်အဖြစ်ဖြင့် “နမောတဿ” ဂါထာတော်ကို ဗြဟ္မီ အက္ခရာဖြင့် ပါကျပါဠိ အသံထွက်အတိုင်းဖြစ်ပါသည်ဘုရား။

ရခိုင်ပိဋကတ်ကို ဆက်ရန်

စာပေအကြောင်းကို ခဏရပ်ထားပြီး ရခိုင်ပိဋကတ်အကြောင်းကို ဆက်ပြောပါမည် ဘုရား။ ဆရာတော်တို့သည် ပိဋကတ်တော်ကို ကျွမ်းကျင်သောပုဂ္ဂိုလ်များ ဖြစ်သည့်အတွက် ပိဋကတ်ကိစ္စကို ပြောရာတွင် သည်းခံပြီး နားထောင်ပါဘုရား။ ဗုဒ္ဓဘာသာဝင်တိုင်း သိရှိကြသည့်အတုငိ်း သာဝတ္ထိမြို့က ဥပတိဿနှင့်ကောလိတညီနောင် နှစ်ဦးသည် နက္ခသဘင်ကို ကြည့်ရှုနေစဉ် ပွဲကြည့်ပရိသတ်များကို ကြည့်ပြီး သည်လူများသည် နောက်နှစ်ပေါင်း တစ်ရာအတွင်းမှာ အားလုံးသေပျောက်ကြလိမ့်မည်။ ငါတို့လည်းသေရလိမ့်မည်။ ယင်းကြောင့် မသေသော တရားကို ရှာဖွေရန်အတွက် ရွာမှထွက်သွားကြပါသည်။ ထိုကဲ့သို့ တရားရှာဖွေကြသောအခါ သိဉ္ဇည်းပရိဗိုဇ်ထံ အတတ်ပညာများ သင်ကြားကြသောအခါ အားလုံးတတ်သိကြလေသည်။ သိဉ္ဇည်းပရိဗိုဇ်က သင်စရာကုန်ပြီဟု ပြောသဖြင့် ဆရာရှာရန် ထွက်ကြပြန်သည်။

ထိုကဲ့သို့ ခရီးဆက်လာကြသောအခါ ရာဇဂြိုလ်မြို့သို့ ရောက်ရှိခဲ့ကြပါသည်။ ထိုစဉ်ဆွမ်းခံကြွလာသော အရှင် အဿဇိမထေရ်ကို မြင်တွေ့ခဲ့ပါသည်။ ထိုအရှင်မြတ်၏ သာမဏေအိနြေ္ဒကို ကြည်ညိုသဖြင့် ငါ့ရှင်၏ဆရာက မည်သူဖြစ်သနည်း၊ အဘယ်တရားကို ဟောကြားပါသနည်း၊ အကျွန်ုပ်တို့အား တခွန်းမျှလောက်ဟောကြားပါ လော့ဟု အစရှိသည်ဖြင့် မေးလျှောက်ခဲ့ပါသည်။ အရှင်အဿဇိမထေရ်က အကျွန်ုပ်ဆရာသည် ဘုရားသခင်ဖြစ်ပါသည်။ အကျွန်ုပ်သည် ရဟန်းဖြစ်သညမှာ မကြာသေးသဖြင့် တရားကောင်းကောင်း မပြောတတ်သေးကြောင်း၊ သို့သော်အကျွန်ုပ်ဆရာသခင် ဟောကြားသောတရားထဲမှ အကျွန်ုပ် မှတ်မိသော တရားဖြစ်သည့် ဤမည်သောဂါထာတော်ကို ဟောကြားပါမည်ဟုဆို၍ တရားဟောခဲ့ပါသည်။ ယင်းဂါထာတော်မှာ ‘ယေဓမ္မာ ဟေတုပ္ပဘ၀ါ တေသံ ဟေတု တထာဂတော အာဟ၊ တေသဉ္စယော နိရောဓေါ၊ ဧ၀ံဝါဒီ မဟာသာမဏော’ ဟု အရှင်အဿဇိမထေရ်က ထိုသူနှစ်ဦးအား ဟောကြားခဲ့ပါသည်။

အဓိပ္ပါယ်မှာ - မြတ်စွာဘုရားသည် ရှေးကပြုဖူးသော အကြောင်းကြောင်းကြောင့် ဖြစ်ပေါ်လာသော အကျိုးတရားတို့ကို ဟောတော်မူ၏။ ထိုအကြောင်းအကျိုးတရား နှစ်ပါးတို့၏ ချုပ်ငြိမ်းရာကိုလည်း ဟောတော်မူ၏ ဟု အဓိပ္ပါယ်ရပါသည် ။ အရှင်ဘုရားတို့ သိရှိတော်မူပါသည့်အတိုင်းပါ ဘုရား။

နောက်ဆုံး ထိုသူနှစ်ဦးသည် မြတ်စွာဘုရားနှင့် တွေ့ရှိပြီင်္း ရဟန္တာ များဖြစ်ကြ၍ ရှင်သာရိပုတ္တရာနှင့် ရှင်မဟာမောဂ္ဂလံ အဖြစ်ထင်ရှားခဲ့ပါသည်။

ဤတရားမှာ နှမ်းတစ်တောင်းကို ကြိတ်လိုက်သောအခါ ဆီကြည်တစ်ပုလင်း နှစ်ပုလင်း ရရှိသကဲ့သို့၊ ကျောက်စရစ် ငါးတောင်းကို ကြိတ်သော်လည်း ဆီကြည်တပေါက်မျှ မရရှိသကဲ့သို့၊ ပိဋကတ်သုံးပုံကို အဆီထုတ်လိုက်သော အခါ ‘နိဗ္ဗာ’ ဆိုသော တရားတလုံးသာ ရရှိပါသည်။ ယင်းတရား တစ်လုံးကို စိတ်ဖြာလိုက်သောအခါ ‘ ဓမ္မနှင့်ဝိနယ’ ရရှိပါသည်။ နောက်ထပ် စိတ်ဖြာလိုက်ပါလျှင် ‘သစ္စာလေးပါး၊ မဂ္ဂင်ရှစ်ပါး၊ ဗောဓိပက္ခယတရားသုံးဆယ့် ခုနှစ်ပါး’ အစရှိသည်ဖြင့် နောက်ဆုံး ဓမ္မခန္ဓာပေါင်း ရှစ်သောင်းလေးထောင်သည် ပိဋကတ်သုံးပုံ၏ အဆီအနှစ်ဖြစ်ကြောင်းကို ဆရာတော်က တပည့်တော်ထက် သိပါသည်ဘုရား။

ဤယေဓမ္မာတရားသည် မဟာယာနဂိုဏ်းသားများ အသုံးပြုသော ဂါထာတော်ဖြစ်ပါသလား၊ အရှင်ဘုရား တွေ့ဖူးပါသလား ဟု မေးသောအခါ ဆရာတော်သည် ဖြေကြားခြင်း မရှိဘဲ တိတ်တိတ်နေခဲ့ပါသည်။ ဤယေဓမ္မာ ဂါထာကို မဟာယာနဂိုဏ်းသားများ အသုံးပြုမည် မထင်ပါ။ မဟာယာနဂိုဏ်းသားများ အသုံးပြုသည်ကို တွေ့ဖူးပါသလား ဟု ထပ်၍မေးသောအခါ ဆရာတော်မှာ တိတ်တိတ်နေမြဲ နေခဲ့ပါသည်။ နောက်တစ်ချက်မဟာ ယာနဂိုဏ်း၊ တန္တရာဂိုဏ်း၊ မန္တရာဂိုဏ်းများ ပေါ်ပေါက်လာပါသည်။ ထိုဂိုဏ်းများမှ တဆင့် တပည့်တော်တို့ ရခိုင်ပြည်သို့ မဟာယာနသာသနာ ၀င်ရောက်လာပါသလော ဟု မေးသောအခါ ဆရာတော်မှ တစုံတရာ ပြောကြားခြင်း မပြုခဲ့ပါ။

နောက်တချက် အိန္ဒိယတပြည်လုံးကို မဂိုမင်းများ တိုက်ခိုက်သိမ်းယူလိုက်သောအခါ ဗုဒ္ဓဘာသာဝင်များသည် သီရိလင်္ကာနိုင်ငံ၊ တိဘက်နိုင်ငံ၊ ရခိုင်ပြည်၊ မြန်မာပြည်များသို့ ထွက်ပြေးကြသောအခါ မဟာယာနဂိုဏ်းသည် ရခိုင်ပြည်သို့ ၀င်ရောက်ခဲ့ပါသလား အရှင်ဘုရား။ ဆရာတော်က မည်သို့မျှ မပြောကြားခဲ့ပါ။ တိတ်တိတ်နေမြဲနေခဲ့ပါသည်။ သိြု့ဖစ်လျှင် တပည့်တော်တို့ ရခိုင်ပြည် သာသနာသည် မဟာယာနဖြစ်သည်ဟု ဆရာတော် စွပ်စွဲခဲ့သည်မှ မည်သည့်အကြောင်းကြောင့်ဖြစ်ပါသလဲ ဘုရား။ ဆရာတော်လည်း မည်သည့်တစ်ခုမျှ ဖြေကြားနိုင်ခြင်း မရှိခဲ့ပေ။

သူရိယမင်းဆက်၊ စန္ဒြားမင်းဆက်

ထိုကဲ့သို့ ရခိုင်ပြည် ဓည၀တီတောင်ပေါက်ကြီးကျောက်စာနှင့် အိနဒိယပြည် အာသောကကျောက်စာနှင့် တည်နေပုံကို ထောက်ရှုသောအခါ ဘီစီ (၃) ၇ာစုမှာ ကျောက်စာများကို ရေးထိုးလျှင် ထိုမရောက်မှီ ဘီစီ (၅) ရာစု လောက်တွင် မြတ်စွာဘုရား ပွင့်တော်မူခဲ့ပါသည်။ တပည့်တော်တို့ ခြေရာကောက်နည်းဖြသ့် ထပ်ပြီး ကောက်ယူလျှင် ရခိုင်ပြည်၌ မင်းဆက်နှစ်ဆက်ရှိခဲ့ပါသည်။ ပထမမင်းဆက်မှာ သူရိယမင်းဆက်ဖြစ်ပြီး ဒုတိယမင်းဆက်မှာ စန္ဒြားမင်းဆက်ဖြစ်ပါသည်။ သူရိယမင်းဆက် (၅၅)ဆက်နောက်ပိုင်းတွင် ဒွေင်စန္ဒြားမင်းဆက် ပေါ်လာပါသည်။ စန္ဒြားမင်းဆက်၏ ပထမမင်းဆက်မှာ ရခိုင်သမိုင်းတွင် မဟာသူရိယတိုင်းစန္ဒြား မင်းကြီးဟု ခေါ်ဆိုကြပါသည်။ ရှစ်သောင်းဘုရားကျောက်စာတွင် ဒွေင်စန္ဒြားဟု သက္ကတအက္ခရာဖြင့် ရေးထိုးထားပါသည်။၏

မဟာတိုင်းစန္ဒြားမင်းထိုးထားသည့် ယင့်ကျောက်စာနောက်ဘက်တွင် စာလေးကြောင်း ပါရှိပါသေးသည်။ ယင်းစာလေးကြောင်းမှ အထက်နှစ်ကြောင်းတွင် ယေဓမ္မာ ဟေတုပ္ပဘ၀ါ ဖြင့် အစပြုရေးသားထားပါသည်။

အဓိပ္ပါယ်ဖော်နိုင်ခဲ့

ထိုစန္ဒြားမင်းဆက် ရေးထိုးခဲ့သော ကျောက်စာမှ မဟာမုနိကုန်း ဒုတိယပစ္စယံအရှေ့မြောက်ဘက်၌ပါရှိပါသည်။ လွန်ခဲ့သော နှစ်ပေါင်းများစွာက အမိုးအကာမရှိဘဲ ပက်လက်လှန်ပြီးလျှင် မိုးထဲ ရေထဲ၌ ရှိနေခဲ့သဖြင့် စာကြောင်းများမှာ ဖတ်မရနိုင်အောင် ပျက်စီးခဲ့ပါသည်။ သို့သော် ကြိုးစား၍ မင်ကူးကူးယူသောအခါ စာလုံးအနည်းသယ်ကို ဖတ်ရြှု့ပီး အဓိပ္ပါယ်ဖော်နိုင်ခဲ့ပါသည်။ ရေးထားသော အက္ခရာစာလုံးမှာ သက္ကတဖြစ်ပြီး ‘မဟာသျှူရိယော သျှန္ဒရော၊ နာမနော သျှဗဒါနေ ပကာရတေ’ ဆိုသော စာကြောင်းပါ ဘုရား။

ပါဠိဘာသာနှင့် ဆိုလျှင် ‘မဟာသူရိယော စန္ဒရော နာမနော သဗ ဒါနော ပကာရတေ’ ဟုရပါသည် ဘုရား။ အဓိပ္ပါယ်က မဟာသူရိယတိုင်း စန္ဒြားမင်းကြီးသည် ဤကုန်တော်၌ ဒါန၀တ္ထုအစုစုကို လှုဒါန်း၍ ပြီးပြည့်စုံပြီဟု ဖြစ်ပါသည်။ ယင်းကြောင့် ဤစာကို ထိုးထားသော ကျောက်စာပါ အရုပ်မှ မဟာစန္ဒြားမင်းကြီး ကုသိုလ်ပြုစိုက်ထူခဲ့သော အရုပ်ဖြစ်ကြောင်း သက်သေထူနေပါသည် ဘုရား။

ဤစာသည် အေဒီ (၄)ရာစု အစောပိုင်းက စာဖြစ်ပါသည်။ (၄)ရာစု အစပိုင်းမှ နောက်ကို ဆုတ်လိုက်သည့်အခါ သူရိယမင်းဆက်က နောက်မင်းများ၏ မင်းဆက်သက္ကရာဇ်တို့ကို ပေါင်းလိုက်သည့်အခါ ဘီစီ (၅) ရာစုတွင် ဂေါတမ ဗုဒ္ဓနှင့် စန္ဒသူရိယမင်းကြီးသက္ကရာဇ်တို့ တူညီနေသည်ကို တွေ့ရပါသည် ဘုရား။ ထို့ကြောင့် အထက်တွင် လျှောက်ထားခဲ့သည့်အတိုင်း တောင်ပေါက်ကြီး ကျောက်စာနှင့် သိရိဓမ္မသောကမင်းကြီး၏ အိန္ဒိယကျောက်စာတို့ကို တိုက်ကြည့်လိုက်လျှင်လည်း ရေးသားပုံချင်း တူကာ အဓိပ္ပါယ်အားဖြင့်လည်း တူညီနေပါသည်ဘုရား။

ဓည၀တီသို့ဘုရားရှင်ကြွခဲ့၏

ဓည၀တီအကြောင်းကို ပြန်ဆက်ပါမည်။ ဓည၀တိ၌ ဘီစီ (၃)ရာစုမှာ သူရိယစက္ကမင်း ထီးနန်းစိုးစံလျှက်ရှိပါသည်။ ထိုမင်းကနောက်သို့ ရေတွက်လျှင်ဘီစီ (၅)ရာစုသို့ ရောက်ပါသည်။ ယင်းကြောင့် စန္ဒသူရိယမင်းသည် ဓည၀တီ၌ ဘီစီ(၅) ရာစုတွင် အုပ်ချုပ်ခဲ့ကြောင်း သိရပါသည် ဘုရား။

ယခုလို ခြေရာကောက်နည်းဖြင့် လိုက်သောအခါ အတိအကျရရှိပါသည် ဘုရား။ ထိုအချိန်၌ အိန္ဒိယတွင် မြတ်စွာဘုရား ပွင့်နေချိန် ဖြစ်ပါသည်.။ ယင်းကြောင့် စန္ဒသူရိယ နန်းစံ၍ နှစ်ပေါင်း (၂၅) နှစ်အကြာတွင် ဗုဒ္ဓရှင်တော်သည် ဓည၀တီသို့ ကြွရောက်ခဲ့ပါသည်ဟု ရခိုင်သမိုင်းအစောင်စောင်တွင် တညီတညွတ်တည်း ဖော်ပြထားပါသည် ဘုရား။ ယင်းကြောင့် ဓည၀တီ၌ စန္ဒသူရိယမင်း အုပ်ချုပ်စဉ်တွင် မြတ်စွာဘုရား ကိုယ်တော်တိုင် ကြွရောက်ခဲ့ခြင်း ဖြစ်ပါသည် ဘုရား။

မြတ်စွာဘုရား ကြွရောက်လာသောအ ကြောင်းကို ဓည၀တီမြို့၏ အနောက်ဘက် တောင်တန်းကျောက်စာ၌ သူရိယစက္ကမင်းကြီးသည် ဗြဟ္မီအက္ခရာဖြင့် ရေးထိုးထားခဲ့ပါသည်။ တပည့်တော် ငယ်စဉ်က ဆရာကြီးစံရွှေဘုနှင့် အတူ ကူးယူခဲ့ပါသည်။ ထိုကျောက်ဆောင်မှာ မဟာမုနိ ကျောက်တော်လမ်းကို လုပ်သောအခါ တူးဖြိုသဖြင့် ပျက်စီးခဲ့ရပါသည်။ ထိုကျောက်ဆောင်၌ ရေးထိုးထားသည့်စာကိုယခုခေတ်၌ ပါဠိ ဘာသာဖြင့်ဆိုလျှင် ‘နမောတဿ ဘဂ၀တော၊ အဟာရတော ၊ သမ္မာသဗ္ဗုဒ္ဓဿ။ အထခေါ ဘဂ၀ါ ဘိက္ခုသံဃံ ပါသာင်္ဒ အာရုပေတွာ။ ပဉ္စပါသာဒ သတပရိဝုတော ၊ ဓည၀တီရဋ္ဌံ အာကာသမဂ္ဂေန။ စာရိကံ စရမာနော ဓည၀တီ မဟာနဂရဿ ပစ္ဆိမဒိသာ ဘာဂေ။ ကစ္ဆပနဒီယာ ပုရတ္ထိမတိေ၇ သေလာဂိရီ ပဗ္ဗတဗုဒနိ သြရောဟိတွာ ပတိဌာတိ။’ ဖြစ်ပါသည်။

အဓိပ္ပါယ်အတိုကောက်မှာ။ ။ မြတ်စွာဘုရားသည် ကောင်းကင်ခ၇ီးဖြင့် ပြသာဒ်ရှင်ပျံငါးရာနှင့် ကြွရောက်ပြီးလျှင် ဓည၀တီ မြို့၏ အနောက်ဘက်ဖြစ်သော ကစ္ဆပနဒီ ကုလားတန်မြစ်ကြီး၏ အရှေ့ဘက်ကမ်းခြေရှိသော သေလာဂိရီ မောရပဗ္ဗတ အမည်ရှိသော တောင်ထိ၌ ရပ်တန့်တော်မူ၏။ ရပ်တန့်တော်မူပြီးလျှင် မြတ်စွာဘုရားသည် ဗျာဒိတ်တော်ပေးသည်ဟူ၍ ဖြစ်ပါသည်။

ဤကျောက်စာကို ထောက်ရှုခြင်းအားဖြင့် ရခိုင်ပြည်ကို မြတ်စွာဘုရား ကြွရောက်ခဲ့သည်မှာ ထင်ရှားနေပါသည် ဘုရား။ ယင်းကြောင့် တပည့်တော်တို့မှာ ခြေရာကောက်နည်းဖြင့် နောက်သို့ တလှမ်းစီဆုတ်ပြီး လိုက်သောအခါ ဗုဒ္ဓသာသနာသည် ကွင်းဆက်မပြတ်ဘဲနှင့် ဓည၀တီခေတ်သို ရောက်ရှိပါသည် ဘုရား။

မဟာယာန စကားတစ်လုံးမျှ မတွေ့

မဟာတိုင်းကြီးစန္ဒြားမင်းကြီးသည် သူနန်းတက်စချိန်၌ ဝေသာလီဘုရားကြီးကိုတည်ပြီး ကျောက်စာရေထိုးထားခဲ့ပါသည်။ အက္ခရာစာလုံးမှာ ဗြဟ္မီပွားဖြစ်ပါသည်။ ဤအကြောင်းအရာမှာ “ယေဓမ္မာ ဟေတုပ ဘ၀ါ” ဂါထာတော် ဖြစ်ပါသည်။ သက္ကတ အသံမထွက်ပဲ ပါဠိသက်သက်ပင် ဖြစ်ပါသည်။ ထိုစာ၏ နောက်ပိုင်း၌ ရေးထိုးထားသော ကျောက်စာများမှာ သက္ကတအသံနှင့် ရေးထိုးထားသည်ကို တွေ့ရပါသည်။ ယဓမ္မာစာလုံးများ၌ ‘မ’ အထက်တွင် ‘ရေဖ’ ခေါ်သော ‘ရ ကောက်’ ကို တင်ထားပါသည်။ ယေဓမ္မာ (ယေဓမ်မာ) လို့ဖတ်ရပါသည်။ ‘ဟေတုပဘ၀ါ’ စာတမ်း၌လည်း `ပ’ စောက်အထက်တွင် ‘ရေဖ’ တင်ထားပါသည်။ ဟေတုပဘ၀ါလို့ဖတ်ရပါသည်ဘုရား။ ယင်းကဲ့သို့ အဆင့်ဆင့် သုတေသနပြုလိုက်သောအခါ မဟာယန်ဂိုဏ်းမှ စကားတစ်လုံးလည်း မတွေ့ပါဘုရား။
မဟာတိုင်းစန္ဒြားမင်းကြီး၏ ဤကျောက်စာအောက်ဘက်တွင် “ယက္ခ မဟာသေနာပတိ မဟာတော” ဟုရေးသားထားပါသည်။ ဦးစံသာအောင်၏ အင်္ဂလိပ်ဘာသာဖြင့် ရေးသားထားသည့်စာအုပ်တွင် ဤအကြောင်းကို ရေးသားထားသည်ကို တွေ့ရပါသည်။ ဤကဲ့သို့ ထေရ၀ါဒ ဗုဒ္ဓဘာသာ၏ ပိဋကတ်တော်လာ ပါဠိတော်စကားကို တွေ့ရပါသဖြင့် ရခိုင်တို့တွင်မှာ ထိုအချိန်ကတည်းကပင် ပိဋကတ် အစစ်အမှန်ရှိကြောင်းကို တွေ့ရပါသည်ဘုရား။ အဘယ့်ကြောင့်ဆိုသော် အရှင် ဘုရားတို့ နှစ်စဉ်နှစ်တိုင်း ဟောကြားနေသည့် တရားများထဲတွင် ဤတရားပါပါသည် ဘုရား။
ယနေ့မြန်မာနိုင်ငံတော်၌ နယုန်လပြည့်နေ့ကို မဟာသမယနေ့၊ ၀ါဆိုလတွင် ဓမ္မစင်္ကြာနေ့၊ ၀ါကျွတ်လတွင် အဘိဓမ္မာနေ့ အဖြစ်သတ်မှတ်ပြီး နှစ်စဉ်ကျင်းပနေကြပါသည်။ ယက္ခသေနာပတိ မဟာပဏာတောဆိုသည့် ပါဠိသည် မဟာသမယသုတ္တန်တော်တွင် နတ်များကို ဖေါ်ကျူးထားသည်ဟု အတိအလင်းပါရှိပါသည် ဘုရား။ မဟာသမယနေ့၌ မြတ်စွာဘုရား ကိုယ်တော်တိုင်ဟောကြားခဲ့သော မဟာသမယသုတ္တန်ကု ရေဒီယိုမှ ကြားနာနေရပါသည်ဘုရား။ ထိုမဟာသမယသုတ္တန်ထဲ၌ နတ်များ၏အမည်ကို ဖေါ်ကျူးထားသော စကားများစွာရှိပါသည်ဘုရား။
“ပနာဒေါ - သပမညောစ၊ ဒေ၀သူတောစ မာတလိ” ဟူသော ဂါထာနှင့် တွေ့ရပါသည်ဘုရား။ ထိုနတ်များထဲ၌ ပနာဒေါနတ်မင်းကို ဖော်ကျူးထားသော ဂါထာတော်မှာ အပိုဒ်-၂၂ တွင်တွေ့ရှိနိုင်ပါသည်ဘုရား။ ဤမဟာသမယသုတ္တန် တော်မှာ ထေရ၀ါဒ ဗုဒ္ဓဘာသာဝင်တို့၏ ပိဋကတ်တော်လာ သုတ္တန်ဖြစ်ပါသည် ဘုရား။ မြတ်စွာဘုရားသခင် ဟောကြားတော်မူသော ထေရ၀ါဒအစစ်မှလာသည့် မဟာသမယသုတ္တန်ဖြစ်သည့်အတွက် ပါဠိတော် အဋ္ဌကထာအစရှိသော ပိဋကတ်သုံးပုံ၌ လည်း ရခိုင်၌မဟာယာနမရှိကြောင်း ထင်ရှားနေခြင်းကို ပြန်လည်ဖြေကြားပါသည် ဘုရား။

ထေရ၀ါဒကို ယုံကြည်သောမင်းများ

နောက်တချက်မှာ ဝေသာလီခေတ်တွင် အုပ်စိုးခဲ့ကြသော မင်းများဖြစ်ကြသည့် နိတိစန္ဒြား၊ ၀ီရစန္ဒြား အစရှိသောမင်းများသည် သူတို့ကုသိုလ်ပြုတည်ထားခဲ့သော စေတီများတွင် “ယေဓမ္မာ” ဂါထာတော်ကို ရေးထိုးထားသည့် ကျောက်တုံးများ၊ စတူပါများကို ဋ္ဌပနာတည်ထားခဲ့ကြပါသည်ဘုရား။ ထိုကျောက်တုံးနှင့် စတူပါများ၌ ရေးထိုးထားသောစာများကို ယခုမြောက်ဦးပြတိုက်တွင် သိမ်းဆည်းထားရှိပါသည်ဘုရား၊ တပည့်တော် အထက်ကတင်ပြခဲ့ သည့်အတိုင်း ဗုဒ္ဓတရားတော်၏ အဆီအနှစ်ဖြစ်ကြသော နိဗ္ဗာန်ကို လက်ခံယုံကြည်သည့်အတိုင်း ထေရ၀ါဒသာသနာကို လက်ခံယုံကြည်သောမင်းများဖြစ်ကြ ဤယေဓမ္မာဂါထာတော်ကို ဝေသာလီမင်းများ အသုံးပြုနေကြခြင်းပင်ဖြစ်ပါသည် အရှင်ဘုရား။ ယင်းကြောင့် မဟာသူရိယတိုင်း စန္ဒြားမင်းမှစ၍ (ဝေသာလီခေတ် အေဒီ (၄) ရာစု) စန္ဒြားမင်းအဆက်ဆက်တို့ ယုံကြည်ကိုးကွယ်ခဲ့ကြသော သာသနာမှာမဟာယနသာသနာ မဟုတ်ဘဲ စစ်မှန်သောထေရ၀ါဒ သာသနာတော်ဖြစ်ကြောင်းမှတ်ယူရပါမည်ဘုရား။

သီဟိုဠ် (သီရိလင်္ကာ)နှင့် ၀ါဒချင်းတူ

တပည့်တော် ပထမချပြခဲ့သော ဥပတဿနှင့် ကောလိတကြောင်းတွင် အရှင် အဿဇိမထေရ် ဟောကြားခဲ့သော ‘ယေဓ္မ’ ဂါထာတော်သည် ဝေသာလီသို့ ရောက်ရှိခဲ့ပါသည်။ ယင်းပြီးနောက် ဝေသာလီမင်းများသည် သီဟိုဠ် (သီရိလင်္ကာ)နှင့် သာသနာရေးကိစ္စများကို အပြန်အလှန်သွားရောက် ဆောင်ရွက်ကြောင်းနှင့် အာနန္ဒစန္ဒြားမင်းကြီးသည် သီဟိုဠ် (သီရိလင်္ကာ) သို့အလှူပစ္စည်းများ ပို့သည်ဟု ကျောက်စာတွင် တွေ့ရှိရပါသည်။ သီဟိုဠ်သာသနာမှာ ထေရ၀ါဒဖြစ်၍ တပည့်တော်တို့ ဝေသာလီတွင်လည်း ထေရ၀ါဒသာသနာထွန်းကားကြောင်း သိနိုင်ပါသည် ဘုရား။ ထို့ကြောင့် တပည့်တော်တို့ ရခိုင်ပြည်သာသနာသည် မဟာယန်ဂိုဏ်းမှဆင်သက်လာသော မဟာယန်ဂိုဏ်း မဟုတ်ပဲ ဓည၀တီခေတ် ဘုရားကိုယ်တော်တိုင် ကြွရောက်ခဲ့စဉ်ကစပြီး ဖြစ်ပေါ်ဆင်းသက်လာသော ထေရ၀ါဒဗုဒ္ဓဘာသာဖြစ်ကြောင်း တပည့်တော် လျှောက်ထားအပ်ပါသည် ဘုရား။

သမိုင်းရုပ်ကြွင်းက သက်သေခံ

ယင်းကဲ့သို့ ကျောက်စာ၊ ကျောက်ရုပ်၊ ပေစာများ အတိအလင်းရှိသော်လည်း ယခုခေတ်ရိုက်နှိပ်သော ပုံနှိပ်စာအုပ်တွင် မပါ၍ မယုံ၊ မှားယွင်းသည် ဆိုလျှင်လည်း မတတ်နိုင်ပါဘုရား။ တပည့်တော်တို့မှာ သမိုင်းရုပ်ကြွင်းဖြစ်သော ကျောက်စာ၊ ကြေးပြား၊ ရွှေပြားစာ၊ ငွေပြားစာတို့ကသာ သက်သေခံနေပါသဖြင့် ယင်းစာများကမှားပြီး ယခုပုံနှိပ်တိုက်မှ ရိုက်နှိပ်သော စက္ကူတွင် ရေးသားထားသည့်စာကသာ မှန်သည်ဟုဆိုလျှင်လည်း တပည့်တော်တို့ ပြောစရာမလိုတော့ပါဘုရား။ ထို့ကြောင့် တပည့်တော်တို့မှာ ပါဠိတော်အဋ္ဌကထာမှာ ပါရန်လိုအပ်မည် မထင်ပါဘုရား။ သက်သေခံသမိုင်းရုပ်ကြွင်း အထောက်အထားက ခိုင်မာနေပါပြီဘုရား။
ဟုတ်မဟုတ်ကိုလည်း တပည့်တော်အား ပြန်မေးမြန်းပါဘုရား။ မမေးလျှင် တပည့်တော်က မှန်သည် လက်ခံသည်ဟု ယူဆရပါမည်ဘုရား။ မဟာယန်ဂိုဏ်းဟု စွပ်စွဲချက်ကို ယေဒမ္မာတပုဒ်တည်း ဆင်းသက်ပုံခြေရာကောက်နည်း သုတေသနပြုလုပ်ပုံဖြင့် ရခိုင်ပြည်သာသနာသည် မဟာယန်ဂိုဏ်းမှ ဆင်းသက်လာသော မဟာယာနသာသနာမဟုတ်ပဲ ထေရ၀ါဒဗုဒ္ဓသာသနာမှ ဆင်းသက်လာသော သာသနာဖြစ်ကြောင်းနှင့် မေးခွန်း (၁)ကို ဖြေကြားအပ်ပါသည်ဘုရား။

မေးခွန်းနံပါတ်(၂)
ဗုဒ္ဓ၏ ပါဋ္ဌိတော် အဋ္ဌကထာ စသည်တို့တွင် မပါရှိဘဲ မြတ်စွာဘုရား သည်ှဓည၀တိပြည်သို့ ကြွရောက်ခဲ့ပြီး ကျောက်တော်တောင်၌ တန့်ရပ်သည်ဟု ရေးသားပြောဆိုကြသည်။ ဤအကြောင်းကိုလည်း ရှင်းလင်းပေးပါ။

မေးခွန်းနံပါတ်(၃)

ဗုဒ္ဓ၏ ပါဋ္ဌိတော် အဋ္ဌကထာ စသည်တို့တွင်မပါရှိဘဲ မြတ်စွာဘုရားသည် စန္ဒသူရိယမင်းကြီးနှင့် တွေ့ဆုံပြီး မဟာမုနိဘုရားကို သွန်းလုပ်ခဲ့သည် ဟု ရေးသားပြောဆိုကြသည်။ ဤအကြောင်းကိုလည်း ဖြေရှင်း ပေးပါ။

ဆရာကြီး ဦးဦးသာထွန်း ( ရခိုင်မြန်မာ ပဏ္ဍိတ )။ ။ အရှင်ဘုရား၏ မေးခွန်းနံပါတ် (၂) နှင့် (၃) ကို တစ်ပေါင်းတည်း ဖြေကြားလိုပါသည်။ မေးခွန်းများမှာ တစ်သဘောတည်း ဖြစ်နေခြင်းကြောင့်ပါဘုရား။ တပည့်တော်သည် ရခိုင်ပြည်သို့ ဗုဒ္ဓသာသနာ ရောက်လာခဲ့ပုံကို နံပါတ် (၁) မေးခွန်းအပေါ် အသေးစိတ် ရှင်းလင်းလျှောက်ထားပြီး ဖြစ်ပါသည် ဘုရား။ နောက်ထပ် လျှောက်ထား ပါမည်ဘုရား။

တပည့်တော်တို့ ရခိုင်ပြည်တွင် ယခုလိုကိုးကွယ်နေသော ဗုဒ္ဓသာသနာမှာ မြောက်ဦးခေတ် ဘုရင်များ အုပ်စိုးခဲ့သော ကာလ မှ ဆက်ခံယူခဲ့သော ဗုဒ္ဓအယူဝါဒ ဖြစ်ပါသည်။

မြောက်ဦးခေတ် မတိုင်မီ လောင်းကြက်မြို့ ရှိခဲ့ပါသည်။ ထိုမြို့ကို အုပ်စိုးခဲ့သော ဘုရင်များမှာလည်း ဗုဒ္ဓဘာသာမင်းများဖြစ်ပါ ၍သာသနိက အဆောက်အဦးများစွာ တည်ဆောက်ခဲ့ပါသည်။ ရဟန်းပညာရှိများ ထွန်းကားခဲ့ပါသည်။ ဤလောင်းကြက်ဘုရင်များ သည် ဗုဒ္ဓဘာသာကို နေရဉ္စရာမြို့တွင် အုပ်စိုးခဲ့သော ဘုရင်များမှတဆင့် လက်ခံယူခြင်းဖြစ်ပါသည်။ နေရဉ္စရာမြို့တွင်ထွန်းကားခဲ့ သော ဗုဒ္ဓသာသနာမှာ ပုရိန်မြို့မှ ဆင်းသက်လာသော ဗုဒ္ဓဘာသနာဖြစ်ပါသည်။ ပုရိန်မြိွု့တွင်အုပ်စိုးခဲ့သော ဘုရင်များသည် ပဉ္စာမြို့မှ ဗုဒ္ဓသာသနာကို တဆင့်လက်ခံယူခဲ့ကြပါသည်။ ပဉ္စာမြို့ ဗုဒ္ဓသာသနာမှာလည်း ဝေသာလီမြို့မှ ဆင်းသက်လာခြင်း ဖြစ်ပါသည်။ ဝေသာလီမြို့ကို စတင်တည်ထောင်သော မဟာတိုင်း စန္ဒြမင်းကြီးသည် မဟာမုနိဘုရားတွင် ကုသိုလ်ကောင်းမူပြုခဲ့ပါသည်။ သိမ်တော်နှင့် ပလ္လင်တော်များကို အသစ်တဖန်တည်ဆောက်ခဲ့ကြောင်း သမိုင်းမှတ်တမ်းများ ၌တွေ့ရပါသည်။ တပည့်တော် ရှေ့က လျှောက်ထားခဲ့သည့်အတိုင်း ထိုမင်းကြီး ကုသိုလ်ကောင်းမူ ပြုခဲ့သည်ကို မဟာမုနိကုန်းတော် ဒုတိယဆင့် အရှေ့တောင်ထောင့် ရှိ ယက္ခသေနာပတိ ပနာဒရုပ်တုတွင် စာရေးထိုးခဲ့ပါသည်။

အမှန်ရှိခဲ့သော မြို့တော်

ဤကဲ့သို့ မဟာတိုင်း စန္ဒြမင်းကြီးသည် မဟာမုနိသိမ်တော်ကို အသစ်တဖန်တည်ဆောက်ခဲ့သည်ဟု ဆိုသဖြင့် မဟာတိုင်း စန္ဒြမင်းကြီး မတိုင်မီကပင် သိမ်တော်အဟောင်းနှင့် မဟာမုနိရုပ်ရှင်တော်မှာ ရှိနှင့်နေပြီးကြောင်း သိရှိရပါသည်ဘုရား။ ယင်းသို့ဖြစ်လျှင် ဝေသာလီခေတ် မတိုင်မီ မည်သည့်ခေတ်ရှိခဲ့သည်ုကို ခြေရာကောက်နုတ်အတိုင်း လိုက်ပါလျှင် ဓည၀တီခေတ် ကို တွေ့ပါသည်ဘုရား။ ဓည၀တီမြို့တော်မှာ စိတ်ကူးယဉ်ပြီး ရေးသားခဲ့သော မြို့တော်မဟုတ်ကြောင်း လေယဉ်မှ ရိုက်ကူးသော ဓါတ်ပုံကို ကြည့်ခြင်းဖြင့် သိနိုင်ပါသည်ဘုရား။ အမှန်တကယ်ရှိခဲ့သော မြို့ဖြစ်ကြောင်း၊ ပြည်တွင်းပြည်ပ သမိုင်းပညာရှင်များက လက်ခံကြပါသည်ဘုရား။

သပ္ပဒါနပကာရနကျမ်းမှာရှိ

တပည့်တော်တို့၏ သမိုင်းများတွင်လည်း တတိယ ဓည၀တီမြို့တော် ကို စန္ဒသူရိယမင်း တည်ခဲ့ကြောင်း ဖတ်ရူရပါသည်။ ဤ စန္ဒသူရိယမင်း ဓည၀တီ၌ အုပ်စိုးစဉ်ကာလမှာ မြတ်စွာဘုရားရှင် အနောက်မဇ္ဈိမဒေသ၌ ရှိနေချိန်ဖြစ်ပါသည်။ တပည့်တော် လက်ထဲတွင် ရှိနေသော သပ္ပဒါန ပကာရနကျမ်းတွင် စန္ဒသူရိယမင်းလက်ထက် ဘုရားရှင်ကိုယ်တော်တိုင် ဓည၀တီသို့ကြွရောက်ပြီး မဟာမုနိရုပ်ရှင် တော်ကို သွန်းခဲ့ကြောင်း အသေးစိတ်ရေးသားထားပါသည်။

ကျောက်စာက သက်သေခံ

၎င်း ပြင်တောင် ပေါက်ကြီး ကျောက်စာကလည်း သက်သေခံနေပါသည်ဘုရား။ မြတ်စွာဘုရားသည် စန္ဒသူရိယမင်းအား ဓမ္မစကြာတရားတော်နှင့် ရုပ်ထုဆင်းတုတော်များကို တည်ထားကိုးကွယ်ခြင်းဖြင့် ရရှိအပ်သော အကျိုးတရားများကို သတ္ထုဗိမ္ဗပူဇနိယနိ သေသသုတ္တန်ဖြင့် ဟောကြားခဲ့ပါသည်။ ဤသုတ္တန်မူရင်းပေစာလည်း ရှိပါသေးသည်ဘုရား။

ဂုဏ်ပြုထားသည့်ရုပ်တု

စန္ဒသူရိယမင်းအား မြတ်စွဘုရား ဓမ္မစကြာတရားတော်ကို ဟောကြားနေဟန် ထုလုပ်ထားသော ကျောက်ပြားတစ်ချပ်ကို လည်း တွေ့ရှိရပါသည်။ ဝေသာလီ မဟာတိုင်း၊ စန္ဒြမင်းကြီးက ရှိရပါသ စန္ဒသူရိယမင်းကြီးအား ဂုဏ်ပြုထုလုပ်ထားသော ရုပ်ထုဖြစ် ဟန်ရှိပါသည်။

မြတ်စွာဘုရားရှင်သည် ရခိုင်ပြည် ဓည၀တီသို့ ကြွရောက်ခဲ့စဉ်က သေလာဂီရိတောင်ပေါ်၌ ရပ်တန့်ခဲ့ပြီး ဗျာဒိတ်တော်ချမှတ်ခဲ့ ကြောင်း သပ္ဗဒါနပကာရကျမ်းတွင် အသေအချာ ဖော်ပြထားပါသည်။ “ချစ်သား အာနန္ဒာ၊ ငါသည် ဘုရားဖြစ်ရန်အတွက် ဆယ်ပါးသော ပါရမီတော်ကြီး နှင့် သုံးဆယ်သော ပါရမီတော်ငယ်များကို ဖြည့်ဆည်းခဲ့သော ကာလ၌ ဤ ဓည၀တီပြည်တွင် အလီလီ လူအဖြစ်ကျင် လည်ခဲ့သည်။ ယခု ငါရပ်တန့်နေသော သေလာဂီရိတောင်၏ အနီးပတ်ဝန်းကျင်တွင် ပန်းပွတ်သမားအဖြစ်နှင့် ငါနေထိုင်ခဲ့သည်။ ငါ ဘုရားပရိနိဗ္ဗာန်စံလွန်ပြီး နောက်ကာလ၌ ငါ၏ ကျောရိုးတော်ဓာတ်ကို ဋ္ဌာပနာ၍ စေတီတည်လတ္တံ၊” ဟု ဗျာဒိတ် ပေးခဲ့သည်။ ထိုဓါတ် တော်ကို နောက်ကာလတွင် ကျောက်တော်ဓါတ်စေတီဟု ခေါ်တွင်ခဲ့ပါသည်။ ထိုနာမည်ကို အစွဲပြု၍ မြတ်တစ်ဖက်ရှိ မြို့ကိုလည်း ကျောက်တော်မြို့ ဟု ခေါ်တွင်ခဲ့ပါသည်။

ရုပ်ရှင်တော်သွန်းကြောင်း ယုံကြည်

ဤကဲ့သို့ ဘုရားဗျာဒိတ်ဝင် ဓါတ်တော်စေတီ ၂၄၈ ဆူရှိခဲ့ပါသည်။ ဤဓါတ်တော်စေတီများကို ဝေသာလီပြည်ရှင် မဟာတိုင်း စန္ဒြမင်းကြီးသည် ပြန်လည်ပြုပြင်ခဲ့ကြောင်း သမိုင်းမှတ်တမ်းအရ သိရှိရပါသည်။ ဤအကြောင်းကို ထောက်ရူ၍လသည်း ထိုဓါတ်တော် စေတီများမှာ ဝေသာလီခေတ် မတိုင်မီကပင် ရှိနှင့်ခဲ့ပြီးကြောင်း သိရှိနိုင်ပါသည်။ ရခိုင်းသမိုင်း စာပေနှင့်လည်းကောင်း၊ ရုပ်ဝတ္ထု သက် သေဖြင့်လည်းကောင်း၊ ကိုက်ညီနေပါ၍ စန္ဒသူရိယမင်းလက်ထက် မြတ်စွာဘုရားရှင် ဓည၀တီသို့ ကြွရောက်ပြီး မဟာမုနိရုပ်ရှင် တော်မြတ် ကို သွန်းလုပ်ခဲ့ကြောင်း ယုံကြည်ပါသည် ဘုရား။

မန္တလေးမဟာမုနိဘယ်ကရ

နောက်တစ်ချက်က ဆရာတော်တို့ မန္တလေးမြို့တွင်ရှိနေသော မဟာမုနိဘုရားကို ဘယ်ကရယူခဲ့သလဲဘုရား၊ ဤမဟာမုနိ ဘုရားကို ဘိုးတော်ဘုရား၏ သားတော်ကြီး ဥပရာဇာသည် ရခိုင်ပြည်က ပင့်ယူခဲ့ခြင်း မဟုတ်ပါလား ဘုရား။ ဤ ဘုရားကြီးသမိုင်းမှာ လည်း ရခိုင်ပြည် ဓည၀တီပြည်ရှင် စန္ဒသူရိယ မင်း သွန်းလုပ်ခဲ့ကြောင်း ရေးထားပါသည်ဘုရား။ သမိုင်းအစောင်စောင်၌လည်း မဟာ မုနိဘုရားကို ဓည၀တီပြည်ရှင် စန္ဒသူရိယ မင်းသွန်းလုပ်ခဲပကြောင်းသာ တညီတညွတ်တည်း ဖော်ပြထားကြပါသည် ဘုရား။ ယင်းမြတ်စွာဘုရား ကိုယ်တော်တိုင် ရခိုင်ပြည်သို့ ကြွရောက်ခဲ့၍ သေလာဂီရိတောင်ပေါ်၌ တစ်ထောက်ရပ်တန့်ခဲ့ပြီး စန္ဒသူရိယ မင်းလျှောက်ထားသဖြင့် နန်းတော်သို့ ကြွရောက်သီတင်းသုံးပြီး မဟာမုနိရုပ်ရှင်တော်ကို သွန်းလုပ်ခဲ့သည်မှာ မှန်ကန်ကြောင်း ဖြေကြားလိုပါသည် ဘုရား။

ဆရာတော်အရှင်ဥာဏီသာရ။ ။ မေးခွန်းနံပါတ် (၄) သင်္ဂါယနာခြောက်တန်၌ မပါဘဲလျှက် ရခိုင်ပြည် ဝေသာလီ ရွှေတောင် ကြီး၌ စတုတ္ထသင်္ဂါယနာကို တင်ခဲ့သည်ဟု ရေးသားပြောဆိုကြသည်။ ဤအကြောင်းကိုလည်း ဖြေရှင်းပါ။

ဆရာကြီး ဦးဦးသာထွန်း ( ရခိုင်မြန်မာ ပဏ္ဍိတ )။ ။ ဤအကြောင်းနှင့်ပတ်သက်၍ တပည့်တော် အရှည်ဖြေကြားရမည် ဖြစ် ပါသည် ဘုရား။ ဘုရားသခင် ဘုရားပရိနိဗ္ဗာန်စံလွန်ပြီး မကြာမြင့်မီကာလတွင် အဇာတသတ်မင်းကြီးသည် ပထမအကြိမ် သင်္ဂါယနာကို တင်ခဲ့ပါသည် ဘုရား။ တင်ရသော အကြောင်းရင်း၊ တင်ခဲ့သော နေရာနှင့် တိုင်းပြည်၊ တင်ရာ၌ အားပေးအားမြှောက်ပေးသောဘုရင်၊ တင်ရာ၌ ပါဝင်သော ရဟန္တာများ၊ ဦးဆောင်သော ရဟန္တာ၊ ရည်ညွှန်းသော ဂါထာပုဒ်၊ ပါဋ္ဌိတော် စသည်အားဖြင့် အင်္ဂါဆယ်တန်နှင့် ပြီးအောင်တင်ခဲ့ကြောင်း၊ ဖတ်ရူရပါသည်။

ပဉ္စမသင်္ဂါယနာတင်

တပည့်တော်တို့ ရခိုင်ပြည်ဘက်က စာပေတို့မှာ သင်္ဂါယနာအကြောင်းနှင့် ပတ်သက်၍ သင်္ဂါယနာကြီး၊ သင်္ဂါယနာငယ် ဟူ၍ နှစ်မျိုးနှစ်စား တွေ့ရှိရပါသည်။ သင်္ဂါယနာကြီးများကို နံပါတ်စဉ်အတိုင်း ရေတွက်ပြီးလျှင် သင်္ဂါယနာငယ်များကိုတော့ မိမိတို့၏ တိုင်းပြည် အတွင်း၌ နံပါတ်စဉ် တပ်ထားခဲ့ကြပါသည်။ လေးမြို့ခေတ် ပဉ္စာမြို့၌ ဘုရင် မင်းရင်ဖြူ သည် ဧကဒသမမြောက် သင်္ဂါယနာကို တင်၏ ဟူ၍ ရေးသားချက်ကို တွေ့ရပြီးလျှင် ယင်းမင်းသည် ပဉ္စမမြောက် သင်္ဂါယနာကို လည်း တင်၏ ဟု ရေးသားထားပါသည်။ ဘုရင်တစ်ပါး တည်း သင်္ဂါယနာ နှစ်ကြိမ်တင်ကြောင်း သိရှိရပါသည်။ ဤသို့ဖြစ်လျှင် လေးမြို့ခေတ် ပဉ္စာမြို့၌ ဘုရင် မင်းရင်ဖြူသည် သင်္ဂါယနာကြီးကို ပဉ္စမအကြိမ်တင်ပြီးလျှင် သင်္ဂါယနာငယ်ကို တစ်ဆယ့်တစ်ကြိမ်မြောက် တင်မည်ဟု မှတ်သားရပါသည် ဘုရား။

သမိုင်းမှတ်တမ်းမှာတွေ့

တပည့်တော်တို့ သင်္ဂါယနာတင်ခြင်း ဆိုင်ရာ ရခိုင်ပြည်သို့ စီးဆင်းလာသော ရေစီးကြောင်းကိုသာ လျှောက်ထားပါသည်ဘုရား တပည့်တော် ရှေ့က လျှောက်ထားခဲ့သည့်အတိုင်း တပည့်တော်တို့ ရခိုင်တွင် မိမိတို့၏ သာသနာ ဆိုင်ရာ ဆင်းသက်ပုံသည်လည်း ကောင်း၊ မိမိလူမျိုး ဆင်းသက်ရာလည်းကောင်း၊ မြို့ပြအုပ်ချုပ်ရေး ရှင်ဘုရင်းမင်းဆက်များ၊ စဉ်ဆက် ဆင်းသက်လာပုံကို သီးခြားတွေ့ ရှိရပါသည်။ ဤအကြောင်းများကို မိမိတို့၏ သမိုင်းမှတ်တမ်းများမှာသာ တွေ့ရှိရမည်ဖြစ်ပါသည် ဘုရား။

မြတ်စွာဘုရား ပရိနိဗ္ဖာန်စံလွန်ပြီးနောက် မကြာမီကာလတွင် ပထမအကြိမ် သင်္ဂါယနာကို ရာဇဂြိုလ်၌ ကျင့်ပပြုလုပ်ခဲ့ပါသည်။ အဇာတသတ်မင်းကြီးက အထောက်အကူပြုပြီး အရှင်မဟာကဿပ ဦးဆောင်ခဲ့ပါသည်။ အရှင်မဟာကဿပ မေးသမျှ အရှင်အာနန္ဒာ ဖြေကြားပြီး နုတ်ထွက်ရွက်၍ သင်္ဂါယနာတင်ခဲ့ပါသည်။ အဘယ်ကြောင့် သင်္ဂါယနာတင်ခဲ့ပါသည်ဆိုသော် မြတ်စွာဘုရား ပရိနိဗ္ဗာန်စံလွန် သောအခါ အလောင်းတော်ကို နံသာထင်းများစုပုံပြီး မီးသဂြိုလ်ရန်အတွက် မီးရှို့သော်လည်း ထင်းများမှာ မီးမလောင်ပါ ဘုရား။ အဘယ့်ကြောင့်ဆိုသော် ဘုရားရှင်၏ တပည့်ကြီးဖြစ်သော အရှင်မဟာကဿပ မရောက်သေးကြောင့်ပါ ဘုရား။ တပည့်ငါးရာဖြင့် ခရီးလမ်းမှာ ရှိနေပါသေးသည်။ အရှင်မဟာကဿပ ၏ တပည့်ရဟန်းများမှာ ပုထုဇဉ်များဖြစ်ကြသည့်အတွက် ဘုရားရှင် ပရိနိဗ္ဗာန်စံ လွန်ပြီးကြွင်းကျန်ရစ်သော ဓါတ်တော်များကိုသာ မြင်ရလျှင် ဘုရား၏ ကိုယ်ကာယမှဖြစ်သော ဓါတ်တော်များကို ယုံမှားသံသယ ဖြစ်ဖွယ်ရှိပါသည် ဘုရား။ မိမိမျက်မြင်ကိုယ်တွေ့မှသာ မြတ်စွာဘုရား၏ ကိုယ်ကာယတော်မှ ဓါတ်တော်များကြွင်းသည်ကို ယုံကြည်ကြမည် ဖြစ်ပါသည်ဘုရား။ နောက်တစ်ချက်က ရဟန်းတော်များသည် မြတ်စွာဘုရားကို အသက်ရှင်စဉ်က ဖူးမြော်ရသော် လည်း ပရိနိဗ္ဗာန်စံလွန်သောအလောင်းတော်ကို ဖူးမြော်ရလျှင်လည်း ဘုရားရှင်အပေါ် ပိုမိုကြည်ညိုသဒ္ဒါပွားများ စေရန်အတွက် မီးမလောင်ခြင်းဖြစ်ပါသည် ဘုရား။ အရှင်မဟာကဿပ နှင့် ရဟန်းများ ကုဿိနာရုံပြည်သို့ လာရာလမ်းတွင် တစ်ခုသော သစ်ပင်ရင်း၌ နားနေတော်မူခဲ့ပါသည်။ ထိုအချိန်၌ တက္ကတွန်း တစ်ယောက်သည် မန္ဒာရ၀နတ်ပန်းကို ထီးလုပ်၍ ဆောင်းပြီးလျှင် ကုဿိနာရုံပြည်ဘက် မှ ပါဝါပြည်ဘက်သို့ လာနေသည်ကို အရှင်မဟာကဿပ မြင်ခဲ့ပါသည်။ ထိုတက္ကတွန်း၏ ပြောချက်အရ မြတ်စွာဘုရား ပရိနိဗ္ဗာန် စံလွန် ကြောင်းကြားသိရသောအခါ အရှင်မဟာကဿပ နှင့် ပါလာခဲ့သော သုဘဒ္ဒရဟန်းသည် ဘုရားပရိနိဗ္ဗာန်စံလွန်သဖြင့် ငိုကြွေးနေကြ သော ရဟန်းတို့အား မငိုကြရန်ပြောပြီး ဂေါတမ မြတ်စွာဘုရားသည် ရဟန်းများကို ဤသည်သောအရပ်ကို မရပ်ရ၊ ဤသည်သော အကျင့်ကို မကျင့်ရာ စသည်ဖြင့် ငါတို့အားချုပ်ချယ်ခဲ့သည်။ ယခု ငါတို့ပြုလိုရာ ပြုနိုင်ပြီဟု ဆိုခဲ့ပါသည်။

ပထမသင်္ဂါယနာတင်

ထိုသုဘဒ္ဒရဟန်း၏ စကားကို ကြားမိသော အရှင်မဟာကဿပသည် များစွာတုန်လှုပ်မိခဲ့သည်။ မြတ်စွာဘုရားရှင် ပရိနိဗ္ဗာန် စံလွန်သည်မှာ ခုနှစ်ရက်တစ်ပါတ်သာ ရှိသေးသည်။ ဘုရားဟော တရားတော်များနှင့် ၀ိနည်းတော်များကို မျက်ကွယ်ပြုမည့် အရိပ်အရောင် ပေါ်နေပြီ၊ သာသနာတော် ဆုတ်ယုတ်ရန်အကြောင်းများ ဖြစ်ပေါ်လာနိုင်သည်ဟု စိတ်၌မှတ်သားမိခဲ့ပါသည် ဘုရား။ ယင်းကြောင့် ဘုရားရှင်ဟောသမျှကို ရဟန်းသံဃာတော်များမှ စုပေါင်း၍ ပြန်လည်ရွက်ဆိုသင်္ဂါယနာတင်ရန် အကြံဖြစ်ခဲ့ပါသည်ဘုရား။ ယင်းကြောင့် အရှင်မဟာကဿပ အမူးပြုသော ရဟန္တာငါးရာတို့သည် ပထမသင်္ဂါယနာကို တင်ခဲ့သည် မဟုတ်ပါလားဘုရား။

ဒုတိယသင်္ဂါယနာတင်

မြတ်စွာဘုရားပရိနိဗ္ဗာန် စံလွန်၍ နှစ်ပေါင်းတစ်ရာကြသောအခါ ၀ိဇ္ဇီတိုင်းသား ရဟန်းတို့သည် ၀ိနည်းသိက္ခာပုဒ်တော်များ၌ ပြင်ဆင်ချက် ၁၀ ချက်ကို ပြုလုပ်ခဲ့ပါသည်။ ဘုရားရှင်၏ ၀ိနည်းတော်ကို ဖီဆန်၍ လာခဲ့ကြသည်။ ယင်းကြောင့် ဝေသာလီပြည်တွင် ကာလာသောကမင်း က တကာပြု၍ အရှင်မဟာကဿပအမူးပြုကာ ရန္တာခုနှစ်ရာတို့သည် ဒုတိယအကြိမ် သင်္ဂါယနာကို တင်ခဲ့ ကြပါ သည် ဘုရား။

တတိယအကြိမ်သင်္ဂါယနာတင်

တတိယအကြိမ် သင်္ဂါယနာကို ပါဋလိပုတ်ပြည်ရှင် အသောကမင်းကြီးက တကာပြု၍ ရဟန္တာအရှင်မောဂ္ဂလိပုတ္တတိဿ မထေရ်ကြီးအမူးပြုလျှက် ရဟန်းတစ်ထောင်ဖြင့် တင်ခဲ့ပါသည်။ ဤသည်တို့မှာ မဇ္ဈိမဒေသ၌ တင်ခဲ့သော သင်္ဂါယနာ သုံးတန်ဖြစ် ပါသည်။

စတုတ္ထသင်္ဂါယနာတင်

တပည့်တော်တို့ ရခိုင်ဝေသာလီတွင် စတုတ္ထအကြိမ် သင်္ဂါယနာတင်ခဲ့ကြောင်း ကို လျှောက်ထားပါမည် ဘုရား။ ဝေသာလီ ခေတ်သည် အေဒီလေးရာစုမှကိုးရာစုအထိ ထွန်းကားခဲ့သော ခေတ်ဖြစ်ပါသည်။ ထိုဝေသာလီမင်းများသည် ထေရ၀ါဒ ဗုဒ္ဓဘာသာဝင် မင်းများဖြစ်သဖြင့် သီဟိုဋ္ဌ်နိုင်ငံ နှင့် လူမူ့ရေးအရသော်လည်းကောင်း၊ ဘာသာရေးအရသော်လည်းကောင်း၊ ဆက်ဆံမူ ရှိခဲ့ပါသည်။ ယင်းကြောင့် ဝေသာလီဘုရင် သီရီစန္ဒြမင်း ( သီရိဓမ္မ၀ိဇယမင်း ) သည် သီဟိုဋ္ဌ်မှ ရဟန်းသံဃာတစ်ထောင်၊ သံဃာတော် နှစ်ထောင် တို့ဖြင့် သင်္ဂါယနာကို ဝေသာလီရှိ ရွှေတောင်ကြီးတွင် ကျုင့်ပခဲ့ပါသည်။

ရခိုင်နိူင်ငံတော်၏စတုတ္ထမြောက် သင်္ဂါယနာ
”မဟာမဟိန္ဒ၊ ထေရဘုန်းစည်၊
တည်နေဖြန့်စင်၊သီဟိုဠ်ခွင့်၌၊
နောင်တွင်ဆောင်ရွက်၊ လွန်ခဲခက်၍၊
မေထက် အက္ခရာ၊ သင်္ဂါယနာ၊
စတုတ္ထမြောက်၊ တင်ပြီးနောက်မှ၊
တမ်းမှောက်ညစ်ကျူး၊ ဝါဒထူးဖြင့်၊
ကူးလူးမယှဉ်၊ အစိုင်တည်တံ့၊
အရှည်ခံဟု၊ ကူပံ့ဖြန့်ဖြူး၊
မြတ်ကျေးဇူးဟိ၊ ရဘိရည်ညွတ်၊
လွတ်လပ်ပြုထ၊ သီဟဠနန့်၊
ဝါဒတူညီ၊ တို့သိင်္ဂီကား၊ ပဉ္စမီထပ်၊
ကြီးနီချပ်လျှင်၊ ရွှီကွပ်တင့်သား၊
ငါးထောင်အားဖြင့်၊ ရွှီးသားသီချာ၊
သုံးနှစ်ကြာလျှင်၊ ကောင်းစွာသီးသီး၊
အောင်မြင်ပြီး၍.......”

(မေဓပညာမော်ကွန်း)

မေဓပညာမော်ကွန်းမှာ အကြီးအမူးပြုသော ပုဂ္ဂိုလ်မှာ စူဋ္ဌရေ၀ ရဟန္တာမထောရ်ကြီးဖြစ်ပါသည်။ သုံးနှစ်ကြာအောင် ကြေးပြားငါးထောင် ပေါ်တွင် ရေးသားပြီး သင်္ဂါယနာတင်ခဲ့ကြောင်း မေဓမော်ကွန်းစာတွင် တွေ့ရပါသည်ဘုရာ။ သံဃာတော်များ သီတင်းသုံးနေနိုင်ရန်အတွက် ရွှေတောင်ကြီး ကို ညီစွာညှိပြီး ကျောင်းတော်ကြီး ငါးဆောင် ဆောက်လုပ်ခဲ့ကြောင်း ထိုမော်ကွန်းအရ သိရှိရပါသည်။ ယနေ့တိုင် ကျောင်းတော်ရာများကို တွေ့နိုင်ပါသည်ဘုရား။ မဇ္ဈိမဒေသတွင် အသောကမင်းကြီး တင်ခဲ့သောသင်္ဂါယနာမှာ တတိယအကြိမ်ဖြစ် သဖြင့် ထိုတတိယအကြိမ်မှ ဆက်လက်ရေတွက်ခဲ့သောကြောင့် ဝေသာလီတွင်တင်ခဲ့သော သင်္ဂါယနာမှာ စတုတ္တအကြိမ် ဖြစ်ပါသည် ဘုရား။

သင်္ဂါယနာကြီး

သင်္ဂါယနာကြီးတင်ရာတွင် ဘုရား၏ ပိဋကတ်တော်များကို သိကျွမ်းနိုင်သော ရဟန္တာများပါဝင်မှာသာ အထမြောက်ကြောင်း သိရှိရပါသည်ဘုရား။ ယင်းကဲ့သို့ ရဟန္တာများပါဝင်၍ တင်ခဲ့သော သင်္ဂါယနာများကို ရခိုင်တို့က သင်္ဂါယနာကြီးဟုခေါ်ပါသည်။ ဝေသာလီ တွင်တင်ခဲ့သော သင်္ဂါယနာနှင့် ရခိုင်ပြည်မှ ၀ိပဿနာဓူရ ရဟန်းငါးရာ ဂန္ဓဓူရ ရဟန်းငါးရာ ပါဝင်ပြီး သီဟိုဋ္ဌ်မှ ရဟန်းသံဃာတစ်ထောင်၊ သံဃာတော် နှစ်ထောင် ပါဝင်ခဲ့ကြောင်း မော်ကွန်းအရ သိရှိရပါသည်ဘုရား။ ဤအကြောင်းများကို တပည့်တော်တို့မှာ ဆင်ရဲမွဲတေနေ၍ ပုံနှိပ်ထုတ်ဝေဖို့ မတတ်သေးပါဘုရား။ ထုတ်ဝေဖို့ ပုဂ္ဂိုလ်လည်း မရှိသေးပါဘုရား။ ယင်းကဲ့သို့ စာပုံနှိပ်ပြီး မထုတ်ဝေနိုင်သဖြင့် သိရှိသူ နည်းပါးနေပါသည်။ ရှိလျှက်နှင့် နည်းနေခြင်းသာဖြစ်ပါသည်ဘုရား။ တချိန်ချိန်မှာ ထွက်ပေါ်လာပါလိမ့်မည်။

သင်္ဂါယနာတင်သည့်ကိစ္စနှင့် တပည့်တော်တစ်ခုလျှောက်ထားလိုပါသည်ဘုရား။ သင်္ဂါယနာတင်ခြင်းမှာ မြတ်စွာဘုရား သဗ္ဗညုတရွှေဉာဏ်တော် ရသည်မှစပြီး ၀ါဆို လကပင် ပရိနိဗ္ဗာန်စံသည်ကာလအထိ လေးဆယ့်ငါးဝါအတွင်း ဟောကြားခဲ့သော ပိဋကတ်တော်များကို သင်္ဂါယနာတင်ခဲ့ပါသလား။ သို့မဟုတ် သီရိဓမ္မသောကမင်းကြီးလက်ထက် ဗုဒ္ဓသာသနာတော်ကို သန့်စင်ခဲ့ သည့်အကြာင်းများကိုပါ တတိယအကြိမ် သင်္ဂါယနာတင်သည်မှာ ထည့်သွင်းပါသလား ဘုရား။ ထိုနည်းတူ သီဟိုဋ္ဌ်တွင် စတုတ္ထသင်္ဂါ ယနာတင်ခဲ့သော ၀ဋ္ဋဂါမဏိ မင်းကြီး၏ ဆောင်ရွက်ချက်များကိုပါ စတုတ္ထသင်္ဂါယနာတွင် ရေးသားမှတ်တမ်း တင်ခဲပပါသလားဘုရား။ တပည့်တော်တို့ ဝေသာလီတွင်တင်ခဲ့သော သင်္ဂါယနာအကြောင်းကို စာပေများ၌လည်းကောင်း၊ သမိုင်းရုပ်ကြွင်း အထောက်အထားများ ဖြင့်လည်းကောင်း၊ တွေ့ရှိရပါ၏၊ တပည့်တော်တို့နှင့်တကွ နိုင်ငံခြားသုတေသီတို့ လက်ခံထားပါသည်ဘုရား။

ဆရာတော်အရှင်ဥာဏီသာရ။ ။ မေးခွန်းနံပါတ် (၅) ရခိုင်ပြည်ရှိ ဓါတ်တော်များကို ကျောက်ရိုးတော်ဓါတ်၊ ဦးရာဇ်တော်ဓါတ်၊ လည်ရိုးတော်ဓါတ် စသည်ဖြင့် အမျိုးမျိုးအမည်ပေးထားကြသည်။ ဤအကြောင်းကိုလည်း ပါဋ္ဌိတော် အဋ္ဌာကထာတွင်တွေ့ရ၍ ဖြေရှင်း ပေးပါ။

ဆရာကြီး ဦးဦးသာထွန်း ( ရခိုင်မြန်မာ ပဏ္ဍိတ )။ ။ ဘုရားသခင် ပရိနိဗ္ဗာန်စံလွန်၍ မီးလောင်ကျွမ်းသောအခါ ဓါတ်မွေတော် နှစ်မျိုးကြွင်းကျန်ပါသည်။ တစ်မျိုးမှာ အသမ္ဗန္နဓါတ်တော် နှင့် နောက်တစ်မျိုးမှာ သမ္ဗန္နဓါတ်တော် များဖြစ်ပါသည်ဘုရား။ အသမ္ဗန္န ဓါတ်တော်များမှာ နဖူးသင်းကျစ်တော်တစ်ဆူ၊ ညှပ်ရိုးတော်နှစ်ဆူ၊ စွယ်တော်လေးဆူ ဖြစ်ပါသည်။ သမ္ဗန္န ဓါတ်တော်များမှာ အရောင်သုံး မျိုးနှင့် အရွယ်အစားသုံးမျိုးကြွင်းကြောင်း ရခိုင်ဓာတုဝင်ကျမ်း၌ ရေးသားထားပါသည်။ မြတ်စွာဘုရား၏ တစ်ကိုယ်လုံးမှာ ဓါတ်တော် ပေါင်း ရှစ်စရွက်ကြွင်းပါသည်။ ကွမ်းစာအားဖြင့် တစ်ဆယ်ခြောက်ကွမ်းစာ ဖြစ်ပါသည်။ အရောင်အဆင်းအားဖြင့် ရွှေရောင်၊ ပွတ်သစ်စ ခရုသွင်းရောင်၊ ချရားစေ့ရောင် တို့ဖြစ်ပါသည်။ ဘုရားရှင်၏ ကြွင်းကျန်ရစ်သော ဓါတ်တော်များကို နှစ်ပြည်ထောင်မင်းတို့အား ဒေါနပုဏ္ဏားက ဝေပေး၏။ မိမိတို့အရပ်ဒေသများတွင် ကိုးကွယ်ခဲ့ကြပါသည်။ ထိုဓါတ်တော်များကို မကြာမီအဇာတသတ်မင်းသည် တိုက်ယူပြီး ရာဇဂြိုလ်ပြည်မှာ မြေထဲစေတီတည်၍ ထားခဲ့ပါသည်။ ဓါတ်တော်အကြောင်း ဤနေရာတွင် ဆုံးနေပါပြီ၊ ဤသည်ကား ပေါင်တော်ဓါတ်၊ မျက်လုံးတော်ဓါတ်၊ လည်ရိုးတော်ဓါတ် စသည်ဖြင့် အဋ္ဌကထာတွင် မပါရှိပါ။

ဓါတ်တော်များ ရောက်ရှိလာပုံ

သို့သော် ထိုဓါတ်တော်များမှာ ယနေ့ထိ ရခိုင်ပြည်၌ အမည်နာမ နှင့်တကွ တည်ရှိနေသေးသည်။ ဤဓါတ်တော်များ ရခိုင်ပြည် သို့ အဘယ်ပုံရောက်ရှိလာသည်ကို ရှင်းလင်းလျှောက်ထားပါမည်။ မြတ်စွာဘုရား ပရိနိဗ္ဗာန်စံလွန်ပြီး နှစ်ပေါင်း ရှစ်ရာတစ်ဆယ်ရှစ်နှစ် အကြာတွင် ပါဋလိပုတ်ပြည်၌ သီရိဓမ္မသောကမင်းကြီး ထီးနန်းစိုးစံခဲ့ပါသည်။ ထိုမင်းကြီးသည် ဓမ္မာခန္ဓာပေါင်းရှစ်သောင်းလေးထောင်ကို ရည်စူးပြီး စေတီတည်လိုသဖြင့် မြတ်စွာဘုရား၏ ဓါတ်မွေတော်များကို ရှာဖွေခဲ့ပါသည်။ အဇာတသတ်မင်း ပြုထားခဲ့သော ဓါတ်တော် များကို တူးဖော်ယူခဲ့ပါသည်။ ထိုဓါတ်တော်များမှာ ရွှေပန်းကန်တွင် အားလုံးတစ်စုတစ်ပေါင်းတည်း ဖြစ်နေပါသည်။ ထိုဓါတ်တော်များကို အသျှင် မောဂ္ဂလိ ပုတ္တတိဿ မထေရ်သည်အသားမှာ ဖြစ်လာသောဓါတ်၊ အရိုးမှ ဖြစ်လာသောဓါတ်၊ အသွေးမှဖြစ်လာသောဓါတ် စသည်ဖြင့် ခွဲခြားခဲ့ပါသည်။ အသေးစိတ်အားဖြင့် ဦးခေါင်းတော်ဓါတ်၊ ဦးနှောက်တော်ဓါတ်၊ မျက်လုံးတော်ဓါတ် စသည်ဖြင့် မြတ်စွာဘုရား ၏အင်္ဂါကြီးငယ်မှ ဖြစ်သော ဓါတ်တော်များကို တစ်ခုချင်းခွဲခြမ်းပြီး သီရိဓမ္မသောကမင်းအား ပေးခဲ့ပါသည်။ သီရိဓမ္မသောကမင်းကြီးသည် ဓါတ်တော်များကို ရရှိသောအခါ ဋ္ဌာမနာသည်။ ဤစေတီ တည်ရမည့်နေရာဒေသများကို အသျှင် မောဂ္ဂလိပုတ္တတိဿအား မေးလျှောက် ခဲ့ပါသည်။ ထိုအခါ အသျှင်မာဂ္ဂလိပုတ္တတိဿက တကာတော်မင်းကြီး ဤဓါတ်တော်များကို ဋ္ဌာပနာပြီးစေတီတည်ရန်နေရာဒေသများမှာ မြတ်စွာဘုရား သက်တော်ထင်ရှားရှိစဉ်ကပင် ဗျာဒိတ်တော် ချမှတ်ခဲ့သော နေရာတိုင်းတွင် စေတီတည်ရမည်ဟု ပြောခဲ့ပါသည်။ ထို နေရာများကို စေတီတည်ရန်အတွက် ဓါတ်တော်များပို့ဆောင်ရမည်ဖြစ်ကြောင်း မိန့်မြွတ်ခဲ့ပါသည်။ ထိုအခါ အသျှင်မောဂ္ဂလိပုတ္တတိဿ မထေရ်သည် အသျှင်ဗာဟုလမထေရ် နှင် အသျှင် တိဿမထေရ်တို့အား မြတ်စွာဘုရား ဗျာဒိတ်တော်ချမှတ်ခဲ့သည့် ရခိုင်ပြည်ရှိနေရာ များတွင် စေတီတည်ထားရန် ဓါတ်တော်များကို ပို့စေခဲ့ပါသည်။

သူရိယစက္ကမင်းလက်ထက်မှာ

ထိုအသျှင်တို့သည် ကောင်းကင်ခရီးဖြင့် ရခိုင်ပြည်သို့ ကြွရောက်ခဲ့ပါသည်။ ယင်းအချိန်တွင် ရခိုင်ပြည် ဓည၀တီတွင် သူရိယစက္ကမင်းကြီး မင်းပြုလျှက်ရှိပါသည်။ ထိုဓါတ်တော်များကို အသျှင်ရှစ်ပါးသည် သူရိယစက္ကမင်းကြီးအား ပေးအပ်ပြီး စေတီတည်ရ မည့်အရပ်ဒေသများကိုလည်း ပြောခဲ့ပါသည်။ သူရိယစက္ကမင်းကြီးသည် ဓါတ်တော်များ လက်ခံပြီး မူးကြီး မတ်ကြီး စစ်သူကြီးများကို စေတီတည်ရန်အတွက် ဓါတ်တော်များကို ပေးအပ်ပြီး မြတ်စွာဘုရား ဗျာဒိတ်တော်မြွတ်ဆိုခဲ့သည့်နေရာတိုင်းသို့ သွားရောက်၍ စေတီ ကိုတည်စေပါသည်ဘုရား။ မြတ်စွာဘုရား၊ ရခိုင်ပြည်သို့ ကြွရောက်ခဲ့သောအခါ ရပ်တန့်တော်မူပြီး ဗျာဒိတော် ပေးခဲ့သော သေလာဂီရိ တောင်၌ ကျောက်ရိုးတော်ဓါတ်ကို ဋ္ဌာပနာပြီး စေတီတည်ခဲ့ပါသည်။ မဉ္စူပဗ္ဗတတောင်တွင် ချက်တော်ဓါတ်ကို ဋ္ဌာပနာ၍ စေတီတည်ခဲ့ ပါသည်။ မိဂပဗ္ဗတတောင်၌ သင်းကျစ်တော်ဓါတ်ကို ဋ္ဌာပနာ၍ စေတီတည်ခဲ့ပါသည်။

တစ်ပြည်လုံးမှာ

ဤသို့ဖြင့် ရခိုင်ပြည်တစ်ခုလုံးတွင် ဗျာဒိတ်ဝင်စေတီ ၂၄၈ ဆူကို တည်ခဲ့ပါသည်။ ဓါတ်တော်များကို မြတ်စွာဘုရား ပရိနိဗ္ဗာန် စံလွန်ပြီးမှ လာတည်ရခြင်းဖြစ်သောကြောင့် မြတ်စွာဘုရားသည် ဓါတ်တော်များကို ဤသည်ကား ဦးခေါင်းတော်ဓါတ်၊ ဤသည်ကား ဦးနှောက်တော်ဓါတ်၊ ပေါင်တော်ဓါတ်၊ ခြေသလုံးတော်ဓါတ် စသည်ဖြင့် ခွဲခြမ်းဟောကြားခြင်းကို မပြုနိုင်တော့ပါဘုရား။ ယင်းကြောင့် ဘုရားဟော ပါဋ္ဌိတော် အဋ္ဌကထာ စသည်တို့မှာ မပါရှိခြင်းဖြစ်ပါသည် ဘုရား။

အမှန်တည်သောဓါတ်တော်များ

အဋ္ဌာကထာ စသည်တို့မှာ မပါရှိသော်လည်း ယနေ့တိုင် ကျောက်ရိုးတော်ဓါတ်၊ လည်ရိုးတော်ဓါတ်၊ ချက်တော်ဓါတ်၊ လျှာတော်ဓါတ် စသည်ဖြင့် တည်ရှိနေပါသည်။ ဤဓါတ်တော်အမည်များကိုလည်း ဓည၀တီခေတ်မှစပြီး ခေတ်အဆက်ဆက်၏ ဘုရင်များ ပြန်လည်ပြုပြင်ခဲ့သည်ကို ကဗ္ပည်းကျောက်စာတို့ ထားခဲ့ပါသည်ဘုရား။ ယင်းကြောင့် ဘုရားဟောပါဋ္ဌိတော် အဋ္ဌာကထာ စသည်တို့မှာ မပါသော်လည်းအမှန်စင်စစ် တည်ရှိသော ဓါတ်မွေတော်များဖြစ်ကြောင်း လျှောက်ထားပါသည် ဘုရား။ ဓါတ်မွေတော် စေတီများမှာ ကစ္ဆပနဒီ ခေါ် ကုလားတန်မြစ်၏ ၀ဲယာတစ်လျှောက်၌ လည်းကောင်း၊ အညှာနဒီခေါ် လေးမြို့မြစ်၏ ၀ဲယာတစ်လျှောက် ၌လည်းကောင်း၊ သရီရနဒီခေါ် သရီချောင်း၏ ၀ဲယာတစ်လျှောက်၌ လည်းကောင်း၊ ရန္ဒနဒီခေါ် ရမ်းချောင်း၏ ၀ဲယာတစ်လျှောက်၌ လည်းကောင်း၊ ရမ်းဗြဲကျွန်း၊ ဖရုံကာကျွန်း၊ သံတွဲစသော နေရာဒေသအနှံ့ ရခိုင်တစ်ပြည်လုံးတွင် မြတ်စွာဘုရား၏ တစ်ကိုယ်လုံးရှိ ဓါတ်တော်များ တည်ရှိခဲ့ပါ၏။ ဗုဒ္ဓ၏ဓါတ်တော်နိုင်ငံ ဟုလည်း ခေါ်သင့်ပါသည်။

ဆရာတော်အရှင်ဥာဏီသာရ။ ။ မေးခွန်းနံပါတ် (၆) ရခိုင်ပြည်တွင် အသုံးပြုသော ပါဠိတော်များမှာ မြန်မာမူဖြစ်သလော၊ မည်သည့်မူနည်း၊ သင်္ဂါယနာခြောက်တန်တွင် ပါသောမူ ဖြစ်သလော၊ ဖြေရှင်းပေးပါ။

ဆရာကြီး ဦးဦးသာထွန်း ( ရခိုင်မြန်မာ ပဏ္ဍိတ )။ ။ တပည့်တော်တို့ ရခိုင်ပြည်တွင် အသုံးပြုခဲ့သော ပိဋကတ်ကို ကြိုးတန်းပိဋကတ်တော်ဟု ခေါ်ပါသည်။ မြန်မာနိုင်ငံ ကို ရောက်ရှိလာသော ပိဋကတ်တော်မှာ သတုံကတစ်ဆင့် အနော်ရထာမင်း ယူခဲ့သော ပိဋကတ်ဖြစ်ကြောင်း သိရှိရပါသည်။ သထုံပိဋကတ်မှာလည်း သီဟိုဠ်မှတဆင့် ရောက်လာသော ပိဋကတ်ဖြစ်၍ သီဟိုဠ်ပိဋကတ်ခေါ်ကြောင်း သိရပါသည်ဘုရား သီဟိုဠ်မှာလည်း သျှင်မဟာ ဗုဒ္ဓဃောသပိဋကတ် နှင့် သီဟိုဠ်နိုင်ငံသားတို့အခေါ် စရိယပိဋကတ်ဟူ၍ ရှိခဲ့ပါသည် ဘုရား၊ ထိုင်း၊ ဗီယက်နမ်၊ လာအိုတို့မှာ ရှိသော ပိဋကတ်ကို ဇင်းမယ်ပဏ္ဏာသ ပိဋကတ်တော်ဟု ခေါ်ကြောင်း သိရှိရပါသည်။

ကြိုးတန်းပိဋကတ်

တပည့်တော်တို့ ရခိုင်ပိဋကတ်ကို အဘယ့်ကြောင့်ကြိုးတန်းပိဋကတ်ဟု ခေါ်ရခြင်းကို ရှင်းပါမည်ဘုရား၊ ပထမအကြိမ် သင်္ဂါယနာမူအတိုင်း ဒုတိယအကြိမ် သင်္ဂါယနာတင်ပါသည်။ ဒုတိယအကြိမ် သင်္ဂါယနာမူအတိုင်း တတိယအကြိမ် သင်္ဂါယနာတင်ခဲ့ပါသည်။ ရခိုင်ပြည်တွင်လည်း စတုတ္ထအကြိမ်သင်္ဂါယနာတွင် တတိယအကြိမ်မူအတိုင်း သင်္ဂါယနာတင်ခဲ့ပါသည် ဘုရား။ ဤကဲ့သို့ မူရင်းအတိုင်း အဆင့်ဆင့် စတုတ္ထအကြိမ်အထိ ဆင်းသက်လာသော်လည်း ပိဋကတ်တော်များကို ဖြည့်စွပ်ခြင်း၊ ပြင်ဆင်ခြင်း၊ နုတ်ပယ်ခြင်းလုံဝ မပြုပြင်ဘဲ တစ်သဝေမတိမ်း ရခိုင်အခေါ် စာမျဉ်းအချွတ် ပင်လျှင် မှန်ကန်သော ပိဋကတ်တော် ဖြစ်ပါသည်။ စာမျဉ်းဆိုသည်မှာ မျဉ်းကြောင်းကို ခေါ်ခြင်းဖြစ်ပါ သည်။ ရှေးစကားမှာ မျဉ်းကြောင်းကို ကြိုးတန်းဟုခေါ်ပါသည်။ ဥပမာအားဖြင့် သစ်တုံးတစ်တုံးကို လွှဆရာက ဗဟိုခွဲလို လျှင်သစ်တုံးခေါင်းမှနေ မီးသွေးသုတ်လိမ်းထားသောကြိုးကို အလယ်ကျအောင်ထားပြီး အခြားတဖက်မှ လူတစ်ဦးကကြိုး ကိုတင်းနေအောင်ကိုင်၍ ကြိုးကိုဆွဲရိုက်ရပါသည်။ ထိုအခါ မီးသွေးသုတ်လိမ်းထားသော ကြိုး၏ အကြောင်းသည် သစ်တုံး ပေါ်၌ ထင်းရှားစွာပေါ်နေပါသည်။ လုံးဝကောက်ကွေ့ခြင်း မရှိပါ။ ထိုးနည်းတူစွာ ရခိုင်ပြည်ရှိ ပိဋကတ်တော် များ မှာလည်း ကြိုးတန်းသည်အကွေ့အကောက်မရှိသကဲ့သို့ ပြုပြင်ခြင်း၊ ပြင်ဆင်ခြင်း၊ နုတ်ပယ်ခြင်းတည်းဟူသော ချို့ယွင်းချက် အကောက်အကွေ့ မပါရှိသဖြင့် ကြိုးတန်းပိဋကတ်ဟု အမည်ပေးထားပါသည် ဘုရား။

ပိဋကတ်တိုက်လေးဆယ့်ရှစ်ခု

ရှေးရခိုင်ဘုရင်အုပ်စိုးသောခေတ်က မြောက်ဦး၏ ပတ်ဝန်းကျင်တွင် သံဃာတော်တစ်ထောင်ဆံ့သော ကျောင်းတော်ကြီး သုံဆယ့်ခြောက်ကျောင်း ရှိခဲ့ကြောင်း မှတ်သားရပါသည်။ ထိုကျောင်းတော်ကြီးများ၌ ဗုဒ္ဓစာပေကို သင်ကြားနေသော သံဃာတော်ကို သည်ကြိုးတန်းပိဋကတ်တော်ကို စံထား၍လေ့လာကြပါသည်။ ထိုပိဋကတ်တော်များ ထားရှိရန်အတွက် ပိဋကတ်တိုက်ခေါ် ပုထိုးများကို မြောက်ဦးမြို့နေရာအနှံ့တွင် တွေ့ရှိရပါသည်။ သမိုင်းအဆိုအရ ပိဋကတ်တိုက်ပေါင်း လေးဆယ့်ရှစ်ခုရှိကြောင်း သိရပါသည်။ ယခုအခါပြိုပျက်သွားသဖြင့် အချို့အ၀က်ကိုသာ တွေ့ရပါ သည်။ ယခုထက်တိုင် အကောင်းပကတိတွေ့ရသော ပိဋတိုက်မှာ ချိန်ကိုက် ပိဋကတ်တိုက်၊ ဘက်တော် ပိဋကတ်တိုက်၊ မယ်တော်ကူ ပိဋကတ်တိုက် တို့ဖြစ်ပါသည်။ ယင်းကြောင့် ရှေ့ခေတ်ရေးသားခဲ့သော စာပေများ၌ ဝေသာလီတွင် သင်္ဂါယနာ တင်ခဲ့စဉ်က မူအဖြစ်ထားခဲ့သော ကြိုးတန်းပိဋကတ်တော်မှ တဆင့်ရေးကူးခြင်း ဖြစ်ကြောင်းကို ပေစာ၏အဆုံး ၌ကြိုးတန်းပိဋကတ်တော်အတိုင်း ရေးကူးခြင်းဖြစ်ပါသည်ဟု ရေးထားသည်ကို ယနေ့တိုင်ပေစာများတွင် များတွင် တွေ့ရှိ နိုင်ပါသေးသည်ဘုရား။

တပည့်တော်သည် အရှင်ဘုရား၏ မေးခွန်းများကို ရှင်းလင်းဖြေဆိုခဲ့သည်မှာ လေးနာရီခန့်ကြာမြင့်ခဲ့ပါပြီ၊တပည့် တော်၏ ရှင်းလင်း ဖြေဆိုချက်များကိုလည်း သဘောပေါက်လက်ခံလိမ့်မည်ထင်ပါသည်။ အရှင်ဘုရားတို့မှာ ဘုရားဖူးရန်လည်း ရှိနေပါသေး၍ တပည့်တော်၏ ရှင်းလင်းဖြေဆိုချက်များကို အဆုံးသတ်ခွင့် ပြုပါဘုရား။

ဆရာကြီး၏ ဦးဦးသာထွန်း (ရခိုင်မြန်မာ)ဖြေကြားလျှောက်ထားချက်အပေါ် အရှင်ဉာဏိဿရ ဆရာတော်ကြီးမှ နောက်ထပ်မေးမြန်းခြင်း မပြုတော့ဘဲ ဘုရားဖူးရန်အတွက် ညနေ ၅ နာရီခန့်တွင် ရှစ်သောင်းပုထိုးတော်ကြီးမှ ကြွသွားခဲ့ပါ သည်။

ရခိုင် နဲ့ ဗုဒ္ဓဘာသာ
============
သူငယ်ချင်း စာရေးဆရာတစ်ယောက်က တလောကပဲ အာသောကမင်းကြီးရဲ့ ကိုးတိုင်း ကိုးဌာန သာသနာပြုခရီးစဉ်မှာ ရခိုင်ပါ - မပါ အငြင်းပွားရမှုကို ကိုးကားထောက်ပြပေးဖို့ ပြောလာပါတယ် ။ အဲဒီတုန်းက စာကြောင်းရေ အနည်းငယ်သာ မန့်နိုင်ခဲ့လို့ ခုတစ်ကြိမ် ပြန် ဖတ်မိမှတ်မိတာလေးကို တင်ပေးလိုက်ပါ တယ် ။

ပထမဆုံးပြောလိုတာကတော့ ရခိုင့်ရာဇ ဝင်အလိုအရ ရခိုင်တို့ဟာ လွန်ခဲ့နဲ့နှစ်ပေါင်း ၆၀၀၀ ကနေ ၄၀၀၀ ကြား ဒါမှမဟုတ် ဗုဒ္ဓပွင့် တော်မမူသေးတဲ့ လွန်ခဲ့တဲ့နှစ်ပေါင်း ၂၅၀၀ ကျော်ကာလကတည်းက ရခိုင်ပြည်ထောင်ကို တည်ထောင်လာခဲ့ကြတယ်လို့ ဆိုပါတယ် ။ လက်ရှိအချိန်ရဲ့ ဘာသာကြီးလေးခု မပေါ်ပေါ် ပေါက်သေးတဲ့အချိန်လို့ ဆိုနိုင်ပါတယ် ။
အိန္ဒိယမှာ ဗုဒ္ဒဘုရားရှင်ပွင့်တော်မူပြီးတဲ့ နောက် ၊ ဘုရားရှင်ရဲ့ ဝါတော် ၂၀ မြောက်အ ရောက်မှာ ရခိုင့်ဓညဝတီပြည့်ရှင် စန္ဒာသူရိယ က မနောအာရုံနဲ့ပင့်ဖိတ်လို့ ရခိုင်သို့ကြွရောက် ခဲ့ရကြောင်း မှတ်တမ်းတွေရှိနေပါတယ် ။ ဗုဒ္ဓ ဘုရားရှင်တရားဟောတဲ့အခါ စန္ဒာသူရိယရဲ့ နှမတော် မိဖုရားထွေး ဥဒုမ္ဗရဒေဝီနဲ့တကွ လူပေါင်း ၂၀၀ ဟာ ဘိက္ခုထေရီ ရဟန္ထာ ဖြစ်ခဲ့ ရတယ် လို့ ဆိုပါတယ် ။ ရခိုင့်ရာဇပုံကျမ်းမှာ အဲဒီလို ဓညဝတီခေတ် ဘုရင်စန္ဒာသူရိယ လက်ထက်မှာ ဘုရားရှင်ရဲ့တရားတော်ကို ကိုယ်တွေ့နာကြားပြီး ရဟန္တာဖြစ်ခဲ့ကြသူတွေရဲ့ မျိုးဆက်ဟာ လေးမြို့ခေတ် စမ္ဘဝက်မြို့ နေရဉ္စ ရာတောင်ငူမြို့မင်းဆက်တို့အထိ ဆက်လက် တည်တံ့ခဲ့ကြောင်း ရာဇပုံကျမ်းလာမှ သိရပါ တယ် ။ ပဉ္စာခေတ် ဘုရင်မင်းဖြူ သင်္ဂါယနာ တင်ရာမှာ ပါဝငါခဲ့တဲ့ ရဟန္တာ ၈၀၀ ပဲ ဖြစ်ပါ တယ် ။ ထင်ပေါ်ကျော်ကြားတဲ့ စမ္ဘဝက်ခေတ် ပဏ္ဍဝထေရ် နဲ့ ဥတ္တမသီရိထေရ် တို့ရဲ့ သမိုင်း ကြွင်းနေရာတွေ ရခိုင်မှာ ခုထိ ရှိနေပါသေး တယ် ။
သီရိဓမ္မာအာသောကမင်းတရားလက်ထက်မှာ ကိုးတိုင်းကိုးဌာန သာသနာပြုစေလွတ်ခဲ့တဲ့ အထဲက အရှင်ရေဝတ ဦးစီးတဲ့ မဟိံသကတိုင်း ဆိုတာ ရခိုင်ပြည်ဖြစ်ကြောင်းကို သုတေသီ တို့က တင်ပြခဲ့ကြပြီးလည်း ဖြစ်ပါတယ် ။ AD ၇ ရာစုလောက်က ပေါ်ထွန်းခဲ့တဲ့ မေဓပညာမော် ကွန်းမှာလည်း "" မဟိံ သဟု မည်ရသမိုင်း ရ ခိုင်တိုင်း သို့ "' ဆို့ပြီး မှတ်တမ်းတင်ထားပါ တယ် ။ အဲဒီတုန်းက သာသနာပြုနထေရ်မြတ် တို့ တည်ထားကိုးကွယ်ခဲ့ကြတယ်လို့ဆိုတဲ့ စေတီတစ်ဆူကို မင်းပြား၊ ကြပ်စင်ကျွန်းတောင် တန်း ၊ သစ်ပုပ်တောင်ပေါ်က ရက္ခုံးတိုင် စေတီ တော် ကို ခုတိုင် ဖူးတွေ့နိုင်ပါတယ် ။
ရခိုင့်ကဗျာ အလင်္ကာ နဲ့ ရှေးစာပေတို့မှာ ရခိုင်ကို မဟိံသက မဏ္ဍလ လို့ ခေါ်ဝေါ်ခဲ့ကြ တာကလည်း ထင်ထင်ရှားရှားရှိနေပါတယ် ။
ဗုဒ္ဓဘုရားရှင်သက်တော်ထင်ရှားရှိစဉ်ကာ လက ဘုရားရှင်ဟာ သူ့နေရပ်ကလွဲပြီး ဘယ် ဒေသကိုမှ ခရီးမထွက်ခဲ့ဘူးလိူ့ သုတေသီတို့ က ဆိုပါတယ် ။ ရှေးအခါက ရခိုင်ပြည်ဟာ င်္ဂါမြစ်ကြောင်တစ်လျှောက်နဲ့ အိန္ဒိယဒေသ ဘက်ကို အတော်ပဲ နယ်မြေပိုင်ဆိုင်နေခဲ့ကြလို့ အနည်းဆုံး ရခိုင်အပိုင်ဘက်သို့ ဘုရားရှင်ဟာ ခြေတစ်လှမ်းမျှလောက်ဖြစ်ဖြစ် ကျွံဝင်ရောက် ခဲ့နိုင်တယ်လို့ သုတေသီတို့က ဆိုပါတယ် ။ သုတေသီ ဦးစံရွှေဘုနဲ့ ဦးဦးသာထွန်းတို့တွေ့ရှိ ခဲ့တဲ့ တောင်ပေါက်ကြီးကျောက်စာကလည်း ရခိုင်သို့ ဘုရားရှင် ကြွရောက်ခဲ့ကြောင်းကို သေချာစေခဲ့ပါတယ် ။ ရခိုင်သို့ ဘုရားရှင် ကြွရောက်ခဲ့ကြောင်းကို တန်ခိုးဆရာထွန်းက မြန်မာ့ အထကဌာမှာ မပါရှိပေမယ့် မူရင်းသီဟိုဠ်မူ နဲ့ သမ္ပဒါန်ကျမ်းတို့၌ ပါရှိ ကြောင်း ဆိုခဲ့ပါတယ်''

လေးမြို့ခေတ်ရဲ့ ရခိုင့်မဟာတန်ဆောင်
========================
လောကသာရပျို့ မူပိုင်ရှင်
================

လေးမြို့ခေတ်ကို AD 818 ခုနှစ်မှာ စူဠစန္ဒြား ရဲ့ တူတော်သူ စန္ဒကူး နဲ့ စန္ဒာဒေဝီတို့ရဲ့သား မဟာနွယ် ရခိုင်ဘုရင်မျိုး ဆက် ခေတ္တာသင်က စတင်ထူထောင်ခဲ့တာပါ။ ရခိုင့်သမိုင်းထက်မှာ ကြီးမြတ်ကျော်ဇောတဲ့ ဘုရင်တွေ ၊ ရဟန်းပညာရှိ လူပညာရှိတွေ ပေါ များပေါ်ထွန်းခဲ့တဲ့ ခေတ်တစ်ခေတ်ဖြစ်ပါတယ်။ AD 1430 မှာ မင်းစောမွန်ဘုရင်က မြောက်ဦး ကို ပြောင်းရွှေ့နန်းစိုက်ပြီး လေးမြို့ခေတ် အဆုံး သတ်သွားခဲ့ပါတယ် ။
လေးမြို့ခေတ်ရဲ့ထင်ရှားမှုတွေထဲက အထင် ကရဖြစ်တဲ့ ဘုရင်မင်းထီးလက်ထက်က အဖြစ် ပိက်လေးတစ်ခုကို ပြောပြချင်ပါတယ် ။ မင်းထီးဘုရင် လက်ထက်မှာ စာဆိုပညာရှိအ ဖြစ်ရော ရခိုင့်ကျက်သရေဆောင်အဖြစ်ပါ ထင် ရှားကျော်ကြားခဲ့တဲ့ ရခိုင်သူမြတ် အကြောင်းပါ။ ရခိုင်သူမြတ်ဟာ ရခိုင်မှာသာမက အထက်ဗမာ တစ်ဝှမ်းကို ထင်ရှားကျော်ကြားပါတယ် ။
သက္ကရာဇ် ၆၈၈ ခုနှစ် AD 1300 ဝန်းကျင်မှာ သက်မင်းရှင်စောဟာ သရက်မြို့( ရခိုင်ကျမ်းလာ မစ္ဆဂီရိမြို့) ကို သားတော် သုံးပါး နဲံ့ အုပ်ချုပ်စိုးစံနေပါတယ် ။ တစ်ချိန်မှာ သက် တွေ အင်အားကောင်းလာပြီး ရခိုင့် ရိုးမနားက တောင်စဉ်ရွာတွေကို လာရောက်ထိပါးလာကြ ပါတယ် ။ အစွမ်းထက်တဲ့ မင်းထီးဘုရင်ရဲ့ တပ် တော်တွေက သွားရောက်နှိမ်နှင်းပါတယ် ။ သက်မင်းရှင်စောရဲ့တပ်တွေကို သရက်မြို့အထိ တိုက်ထုတ်ပြီး မြို့ကိုပါသိမ်းပိုက်တယ် ။ ပြီးတော့ သက်မင်းရှင်စောနဲ့ စောစုံ စောဖြူ စောတူ ဆိုတဲ့ သားသုံးယောက်ကို ရံခြွေအ သိုင်းဝိုင်းနဲ့တကွဖမ်းခေါ်လာပြီး ရခိုင်မှာ ကောင်းမွန်စွာ ကျွေးမွေးစောင့်ရှောက်ထားပါ တယ် ။ ပြီးတော့ဘသက်မင်းရဲ့သားတော်တွေ ကို ရခိုင်သူမြတ်အရှင်ထံကိုအပ်နှံပြီး စာပေ ကျမ်းဂန်သင်ကြားစေပါတယ် ။
တစ်နေ့မှာ ရခိုင်သူမြတ်အရှင်က ထူးခြားတဲ့ အိပ်မက်ကို မက်ပါတယ် ။ ဒါကြောင့် သက်မင်းရဲ့သားတော်တွေဟာ စစ်ကိုင်းနဲ့ အင်း ဝမှာ အကြီးအကဲတွေဖြစ်လာမှာကို သိပြီး သူတို့ကို အတက်ဗမာပြည်ကို သက္ကရာဇ် ၇၀၅ ခုနှစ်မှာ အရှေ့ပြည်သို့ ပြန်လွှတ်ပေးခဲ့ပါတယ် ။ ( ဗမာရာဇဝင်နဲ့ တချို့ကျမ်းတွေမှာ တော့ သက်မင်းရဲ့သားတော်တွေဟာ ဖိုးခေါင် တောင်ရိုးကို ကျော်ပြီး ထွက်ပြေးကြတယ် လို့ ဆိုပါတယ်။ ဘုရင်မင်းထီးက လိုက်မဖမ်းပဲ လွှတ်ပေးခဲ့ပါတယ် ) ။
သမိုင်းကြောင်းအရ ပိဋကတ်စာပေ ၊ ဗေဒင်ပညာစတဲ့ အတတ်ပညာတို့ကို ကောင်း စွာသင်ကြားတတ်မြောက်ခွင့်ရသွားတဲ့ သက် မင်းရဲ့သားသုံးပါးဟာ ရခိုင်အရှင်သူမြတ် နိမိတ် ဖတ်ခဲ့သလိုပဲ အထက်ဗမမှာ အမှန်တကယ်ပဲ အကြီးအကဲတွေ ဖြစ်လာခဲ့ကြတယ် ။
သားအကြီး စောစုံက မြင်စိုင်းမြို့ကို စားရပါ တယ် ။ စောဖြူက ပြည်မြို့ကို စားရပါတယ် ။ သားအငယ်ဆုံး စောတူ ကတော့ အမြင့်မြို့ကို စားရပြီး နောင်အခါ ဗမာ့ရာဇဝင်မှာ ထင်ရှား ကျော်ကြားတဲ့ တရဖျားစွာစော်ကဲ အမည်နဲ့ ဘုရင်တစ်ဆူ ဖြစ်လာခဲ့ပါတယ် ။ ရခိုင်အရှင် မြတ်ထံမှာ လောကနီတိနဲ့ ပိတကတ်ပညာ တို့ကို ကျေညက်အောင်သင်ယူတတ်မြောက်ခဲ့ ရသူဖြစ်လို့ မင်းကျင့်စာရိတ္တပြည့်ဝခဲ့သူ ဘုရင် ပဲ ဖြစ်ပါတယ် ။
စွာစော်ကဲဘုရင်ဟာ သူ့ရဲ့ နန်းစံသက် ၁၆ နှစ်ကိုရောက်တဲ့ခါ သူ့ရဲ့ငယ်ဆရာ ရခိုင်သူမြတ် အရှင်ကို ပင့်ဖိတ်ပြီး မြှောက်စားခဲ့ပါတယ် ။ မဟာ သိင်္ဃရာဇာ ဆိုတဲ့ဘွဲ့တော်ကိုပေးပြီး ခန်း နားတဲ့ ကျောင်းသင်ခန်းကိုဆောက်လုပ်လှူ တန်းထားခဲပါတယ် ။ ဒီလိုနဲ့ ရခိုင်သူမြတ်အရှင် ဟာ မင်းသုံးပါးကို စာပေသင်ကြားပို့ချခဲ့စဉ်က ရေးစပ်သွန်သင်ခဲ့တဲ့ လောကသာရ ဆုံးမစာ ကဗျာလင်္ကာဟာ ရခိုင်သူမြတ်ရဲ့ဘအထင်ကရ တစ်ခုပဲ ဖြစ်ပါတယ် ။

မှတ်ချက် ။ ခရစ် AD သက္ကရာဇ်ကို ရခိုင် ဗမာနဲ့ ကွဲပြားခြားနားတဲ့ ကျမ်းတချို့ကို ယှဉ်တွဲပြရမှာ မို့ မထည့်ခြင်း ဖြစ်ပါတယ် ။
ဒီစာကို ရေးရခြင်းရည်ရွယ်ချက်ကတော့ တချို့ ခုခေတ်စာပေတေမှာ လောကသာရပျို့ ကို ဗမာစာဆိုတော်ရဲ့ စာပေလို့ ပုံမှားရိုက်နေ ကြတာကို တွေ့မိလိူ့ ဖြစ်ပါတယ် ။
ရခိုင်လူမျိုးများ ကိုယ့်စာပေ ကိုယ့်သမိုင်းကို ထဲထဲဝင်ဝင်လေ့လာလိုက်စားနိုင်ရန် ရည်ရွယ် ပါတယ် ။

=======

တောင်ပေါက်ကြီး ကျောက်စာ
(သို့မဟုတ်)
ရခိုင်ပြည်သို့ဘုရားရှင် ကြွရောက်ခဲ့မှုသက်သေ
==============================
မြန်မာပြန်
------
၁။ လူနတ်ဗြဟ္မာတို့၏ ပူဇော်ခြင်းကို ခံယူတော် မူထိုက်သော ၊ သစ္စာလေးပါးတရားကို ကောင်း စွာထိုးထွင်း သိမြင်တော်မူထသော ထို ဘုန်း တော်ခြောက်ပါးနှင့် ပြည့်စုံတော်မူထသော ဘု ရားရှင်အား ရှိခိုးဖူးမြော်ခြင်းသည် ဖြစ်ပါ၏

၂။ ထိုအခါ စင်စစ်ဘုရားရှင်သည် ရဟန်းသံ ဃာတော်အပေါင်းကို ပြသာဒ်ပေါ်သို့ တက် စေ၍

၃။ ပြသာဒ် ငါးရာဝန်းရံလျှက်ရှိသော ဓညဝတီ တိုင်းပြည်သို့ ကောင်းကင်ခရီးဖြင့် ဒေသစာရီ လှည့်လည်တော်မူစဉ်

၎။ ဓညဝတီမည်သော နေပြည်တော်ကြီး၏ အနောက်အရပ်၌ ရှိသော

၅။ ကစ္ဆပ မည်သောအရှေ့မျက်နှာကမ်းပါး၌ရှိ သော ကျောက်တောင်ထိပ်၌ ဆင်းသက်တော် မူ၍ ရပ်တော်မူ၏ ။

ကျောက်စာဟာ ဗြဟ္မီအက္ခရာ ( ပါဠိအရေးသား ) ဖြစ်ပါတယ် ။ ရခိုင်ပြည် ဓညဝတီ(တတိယ ခေတ်) ဘုရင်စန္ဒာသူရိယလက်ထက်မှာ ဗုဒ္ဓဘု ရားရှင် ကြွရောက်လာခဲ့ကြောင်းကို သဘာဝ ကျောက်ဆောင်ပေါ်မှာ မှတ်တမ်းတင်ရေးထိုး ထားခဲ့ခြင်း ဖြစ်ပါတယ် ။ ကျောက်စာကို သုတေသီ ဦးစံရွှေဘုနဲ့ ဦးဦးသညထွန်းတို့က တွေ့ရှိပြီး မင်ကူးယူခဲ့ကြတာပါ ။ ဝမ်းနည်းစရာ ကောင်းတာက စစ်အတွင်းက ပျက်စီးသွားခဲ့ ရခြင်းပဲ ဖြစ်ပါတယ် ။
တောင်ပေါက်ကြီးကျောက်စာကို ယုတ္တိ ပိုရှိစေတာကတော့ AD 500 ခန့်က ထုဆစ်ခဲ့ တဲ့ ဝေလီခေတ်ရဲ့ ကျောက်ဆစ်လက်ရာတစ်ခု ဖြစ်ပါတယ် ။ ဘုရားရှင်က ရခိုင်ဘုရင်စန္ဒာသူရိ ယကို တရားပြနေဟန်ပုံတော်ပဲ ဖြစ်ပါတယ် ။။
-------------------------

ရခိုင်ပြည်နယ် ဖြစ်စဉ်သမိုင်း မှ

မင်းဗာဘုရင်ရဲ့ ဘင်္ဂါ ၁၂ နယ်သို့ စစ်ချီခြင်း
===========================

ဘင်္ဂါ ၁၂ နယ် ဆိုတာ
၁။ ဂေါ်တော်ပလ္လင်
၂။ ကံသာ
၃။ စစ်တကောင်း
၎။ ပဋိပက္ခရား
၅။ တိလင်္ကာ
၆။ ကိုမီလာ
၇။ ကာရီဆာ
၈။ မောက်သူဇာ(ယခု မာချီဒါဘတ်)
၉။ ဒါကာ
၁၀။ ဂင်္ဂါသာဂရ
၁၁။ လောင်ပါ
၁၂။ ချီလက် တို့ပဲ ဖြစ်ပါတယ် ။
မင်းစောမွန်လက်ထက်မှာ ရခိုင်ဘုရင် အဆက်ဆက်တို့ပိုင်ဆိုင်ခဲ့ကြတဲ့ ဘင်္ဂါ ၁၂ နယ် ကို ဒီလီပဆာ ထံမှာ ခိုလှုံခွင့်နဲ့ အလဲအလှယ် ပြုလုပ်ခဲ့ရလို့ ဆုံးရှုံးခဲ့ရပေမယ့် မင်းဗာကြီး( ဒင်္ဂါးအမည် မင်းဘင်သင်္ခယာ)လက်ထက်တော် မှာ အတိအလင်းစစ်ကြေငြာပြီး ကြီးမားတဲ့စစ် ကြောင်းနဲ့ ပြန်လည် သိမ်းပိုက်ခဲ့ပါတယ် ။
မင်းဗာကြီးဟာ AD- 1532 ခုနှစ် ၊ ကော ဇာသက္ကရာဇ်- 894 ခုနှစ် ၊ တန်ဆောင်မုန်းလ ဆန်း-9 ရက်နေ့မှာ နေပြည်တော် မြောက်ဦး ကနေ စစ်ကြောင်းစတင်ထွက်ခွာပါတယ် ။
ဘုရင်ရဲ့စစ်ကြောင်းမှာ ကြည်း ၊ ရေ ၊ လေ သုံးမျိုးပါဝင်ပါတယ် ။ ရခိုင်ပြည်အနှံ့ကို စားရ တဲ့ မြို့စားနယ်စားသူရဲကောင်းတွေဦးစီးထားတဲ့ ဘုရင့်တပ်မတော်ပဲ ဖြစ်ပါတယ် ။

၁။ မယူမြစ်မှ ဂေါ်ပလ္လင်လမ်းတိုင်းချီနယ့် ကြည်းကြောင်းတပ်မတော်
--------------------------------

၁။ ရိုးစားချစ်သူနဲ့ ရမ်းဗြဲစားအောင်နိုင်တို့က လှံကိုင်ဒါးစွဲတပ်သူရဲ ၂၀၀၀၀
၂။ စိန်တင်စားကျော်သူနဲ့ မယူစားရန်အောင် ဇေယျတို့က ဒိုင်းကိုင်ကာစွဲတပ်သား ၂၀၀၀၀
၃။ ဒါးလက်စား ခင်ညိုက ကမံသူရဲ ၁၀၀၀၀
(ဒီတပ် ၃ တပ်နဲ့ သူရဲ၅၀၀၀၀ ကို ဆင်ကဲအ မတ်ကြီးက ကွပ်ကဲ အုပ်ချုပ်)

ကိုယ်ရံတပ်မှာတော့
ဝင်းမှူး လေးယောက်ဦးစီးတဲ့ ဘုရင်ကို ဝန်းရံ မယ့် သူရဲကောင်း ၄၀၀၀၀ နဲ့ ဘုရင်ရပ်နား မယ့်နေရာကို ကင်းစောင့်သူရဲ ၂၀၀၀၀

ကိုယ်ရံတပ်တော်ရဲ့နောက်မှာတော့
၁။ ကင်းသတိုးစားကို သူရဲ ၁၀၀၀၀
၂။ ဝင်းစား စနေကို ကမံလေးသည် ၁၀၀၀၀
၃။ မီးစားလက်ယာကျော်ကို ဒိုင်းသူရဲ ၁၀၀၀၀
၎။ မအီစားဘိလ ကို သိုင်းတပ်သား ၁၀၀၀၀
၅။ ပတင်းစားသတိုးအောင်ကို ကိုယ်ရံ ၁၀၀၀၀

( ဒီစစ်သူရဲ ၅၀၀၀၀ ကို ဒါးပိုင်အမတ်ကြီးက နောက်က အုပ်ချုပ်ပြီး ဦးရာဇ်တောင်စား မင်း လှတင်နဲ့ လက်ယျာစစ်ကဲ မယူစား မနုဟာ တို့က ရှေ့နောက် အုပ်ချုပ်ကွပ်ကဲ)

မယူမြစ်မှ ရေတပ်စစ်ကြောင်း
------------------------

၁။ သားတော်ကြီး အိမ်ရှေ့မင်း မင်းတိက္ခာက ကိုယ်ရံတပ် ၁၀၀၀၀
၂။ အမ်းစားချစ်သူကို လှံသူရဲ ၁၀၀၀၀
၃။မာန်အောင်စားသတိုးမင်းဖြူကိုကမံ ၁၀၀၀၀
၎။ စစ်တွေစား ကို သိုင်းသူရဲ ၁၀၀၀၀

ကစ္ဆပနဒီ မှ ချီမယ့် ကြည်းကြောင်း
----------------------------

၁။းသံတွဲစားဥပရာဇာကို သူ့ရဲ့ကိုယ်ရံ ၁၀၀၀၀
၂။ ပန်းထော်စား ရန်မျိုးအောင်ကို လှံတပ် သား သူရဲကောင်း ၁၀၀၀၀
၃။ မြို့သစ်စား ကျော်စံကို ကမံ ၁၀၀၀၀
၎။ တောင်ကုတ်စား ရာဇသူကို ဒိုင်းကိုင် သူရဲကောင်းစ်သည် ၁၀၀၀၀
၅။ လမူးစား ထွန်းအောင်ကို သိုင်းတပ် ၁၀၀၀၀
စတဲ့ စစ်ကြောင်း ၃ ကြောင်းနဲ့ စစ်ချီခဲ့ပါတယ်။
ခြေမြန်တော်တပ်သားစစ်သည်အဖြစ် ပိန္နဲချောင်းစား ဇေယျဗိုလ်ရဲ့ စစ်သည်တစ်ဦး။

နေပြည်တော်နဲ့ ရခိုင်တစ်ဝှမ်းလူံခြုံရေးအတွက် မြေးတော် စင်္ကြာဝတေးနဲ့ အမတ်ပြည်စိုးကြီးတို့ က စစ်သည် ၃၀၀၀၀ နဲ့ စောင့်ရှောက်နေရစ် ပါတယ် ။

ကိုး။ မေဦးသိန်းညွန်ုနဲ့ ရခိုင့်စာအုပ်တချို့

ရမ္မာဝတိရမ်းဗြဲ သမိုင်းကြောင်း
_______________________
၁ ။ ရမ္မာတီဟုခေါ်သော ရမ်းဗြဲကျွန်းကား ရခိုင်ကမ်းမြောင်ဒေသတွင်ေ၇ပတ်လည်ဝန်းရန်၍ တည်ရှိကြောင်း ၊ကျွန်း၏ပုံသဏ္ဍာန်မှာ ၀မ်းဘဲတစ်ကောင်ရေထဲတွင် နားနေသည်နှင့် တူ၍ ၀မ်းဘဲကျွန်း ဟုဆိုခဲ့ကြောင်းသိရသည်။

၂ ။ ရမ်းဗြဲကျွန်းဖြစ်ပေါ်လာပုံနှင့်ပတ်သက်၍ ခရီးတေရှစ်( cretaceaus) အဆုံးတွင်ဖြစ်သော၊ အဲလ်ပိုင်တောင်တန်း လှုပ်ရှားမှု (alpine mountain building) ကြီးသည်၊ ဤကျွန်းစုအား ဖြစ်ပေါ်စေခဲ့ကြောင်း ၊ လွန်ခဲ့သော နှစ်ပေါင်းသန်း (30) ခန့်တွင် ပင်လယ်ရေဆုတ်ယုတ်မှုကြောင့်၊ ပလီယိုဆင် (plioeene) ခေတ်ပြီး ၊ တတိယအချိန်တွင် ရမ်းဗြဲကျွန်းသည် ပင်လယ်ရေမျက်နှာပြင်ပေါ်သို့ တွန်းပို့ခြင်းခံရသည်။ တဖန်ရာသီဥတုခြေဖျက်တိုက်စားမှု (weathering) ကြောင့်၊ တောတောင်ချိုင့်ဝှမ်း လွင်ပြင်တို့ဖြင့် ရှုရှင်စဘွယ် လူနေထိုင်ရန် အခြေသို့ရောက်ရှိလာသည်။ဤရမ္မာဝတီသို့ မည်သည့်အချိန်ကစ၍ လူများအခြေချ နေထိုင်ခဲ့ကြသည်ကို သမိုင်းအထောက်ထားများ မတွေ့ရရှိသေးသော်လည်း ရခိုင်သမိုင်းစဉ်အရ (ဘီစီ ၃၀၀၀) သို့မဟုတ် ယင်းထက်စောဘွယ်ရာ ရှိပေသည်။

၃ ။ ရခိုင်ပြည်နယ်တွင် ဝေသာလီမြို့တော် မတည်ထောင်ခင် (အေဒီ-၃၂၇) ထိ၊ ရမ်းဗြဲသားများမှာ ကိုယ်ပိုင်အုပ်ချုပ်ခဲ့ကြဟန် တူပါသည်။ အဘယ်ကြောင့်ဆိုသော် ရမ်းဗြဲကျွန်းသမိုင်း ပေမူ ”က” ချပ်တွင်၊ အနောက်ဘက်မှ သင်္ဘောံအစင်း (၃၀) လာတိုက်၍ ပါလေသည်။ လူ(၂၀၀) ကြွင်းကျန်လိုက်သည်။ လူတို့ကို ဓည၀တီသို့ သွင်း၍ထားသည်ဟု ပါရှိလေသည်။ စာတွင် ဓည၀တီဟုပါရှိသော်လည်း မည်သည့်မင်းဟုဖေါ်ပြထားခြင်းမရှိပေ။ သို့သော် ဓည၀တီခေတ်နှောင်းပိုင်းသာ ဖြစ်နိုင်ပါသည်။ ယင်းအချိ်န်က ရခိုင်မင်းများ၏ ရေတပ်မတော် ထားရှိခြင်းကို သိသာနိုင်ပါသည်။ ယင်းပေမူအရ ရမ်းဗြဲကျွန်းတွင် လူဦးရေ (3700) ရှိကြောင်း သိရပေသည်။ လူဦးရေ သီအိုရီ (porpulation theory) ဆင့်ကဲ ဖြစ်စဉ်အရ ယင်းခေတ် ယင်းအချိန်က ဤမျှ လူဦးရေ စုစည်းနေထိုင်ခြင်းသည် ယဉ်ကျေးမှုအဆင့်အတန်း မနမ့်ကျကြောင်းဖော်ပြနေပေသည်။

ဓည၀တီရောက် ရမ်းဗြဲသားများ

၎ ။ ပင်လယ်ရေပတ်ခြာဝိုင်း၍ တိုင်းတပါးရန်များ တိုက်ခိုက်ခြင်း ရှိခဲ့ဟန် မတူခဲ့သော ရမ္မာဝတီရမ်းဗြဲသားများမှာ အေးချမ်းသာယာစွာရှိခဲ့ကြပြီး စစ်ရေးစစ်ရာတွင် ကျွမ်းကျင်ခဲ့ကြဟန်မတူပေ ၊ အမြဲတန်း စစ်တပ်လည်းရှိမည်မဟုတ် ၊ သို့ဖြစ်၍ ဓည၀တီရေတပ်၏ ခေါ်ဆောင်ရာနောက်သို့ သုံးပန်းဖြစ် လိုက်ပါခဲ့ရသည်။

၅ ။ ရမ်းဗြဲသားများ၏ အစဉ်လာအရ၊ ဆွေမျိုးစုခေါင်းဆောင်ဖြစ်သော သက်ကြီးစကား သက်ငယ်နားထောင်ရသည် ၊ ရမ်းဗြဲကျွန်းမှလာသော ရမ်းဗြဲသား (၇၀၀) အနက် အကြီးအကဲမှာ "ငပု" ဖြစ်သည် ။ ခေါင်းဆောင်ကြီး အဘ ငပုကား အသက် (၉၂) နှစ် အရွယ်တွင် ကွယ်လွန်ခဲ့သည်။ သို့သော် သားမြေးမြစ် တို့ အား မှာထားခဲ့သော စကားတစ်ခုရှိပေသည်။ " သားမြေးတို့ ငါတို့ကား ရမ်းဗြဲသားများဖြစ်ကြသည်။ အခါအခွင့်ကို ကြည့်၍ မင်းကြီးအားလျှောက်ထားပြီး မိမိတို့၏ သားစဉ်မြေးဆက် နေထိုင်ခဲ့သော ရမ်းဗြဲကျွန်းကို ပြန်လည်ထူထောင်ခွင့် ရလိုကြောင်းနှင့် မင်းကြီး၏မော်ကွန်းတံဆိပ်ဖြင့် ထွက်ကြလေ" ဟု မှာထားခဲ့လေသည်။

ရမ္မာဝတီ ရမ်းဗြဲကျွန်းသို့

၆ ။ ရမ်းဗြဲကျွန်းမှ ထွက်ခွာခဲ့သည်မှာ နှစ်(၃၀) ကြာခဲ့ပြီးဖြစ်သည်။ မြို့တော်နေရာမှာလည်း ဓည၀တီမှ ကန်သုံးဆင့်၊ ကန်သုံးဆင့်မှတဖန် ဝေသာလီကျောက်လှေကား ရွှေမြို့တော်သို့ အခိုင်အမာပြောင်းရွှေ့တည်ထောင်ခဲ့ကြပြီးဖြစ်သည်။

၇ ။ အခါအခွင့်သင့်၍ ဝေသာလီပြည့်ရှင်၊ မဟာတိုင်းစန္ဒရား မင်းကြီးထံသို့ ရမ်းဗြဲဆွေမျိုးစု ခေါင်းဆောင်၊ ငဖြူကြီးသည် ရမ်းဗြဲကျွန်းသို့ ပြန်လိုကြောင်း လျှောက်ထားသည်၊ သို့နှင့် အေဒီ (၃၁၉) တွင် မဟာတိုင်းစန္ဒရားမင်းကြီးသည် အမတ်စစ်ကဲကြီးတို့အား စေလွှတ်၍ ရမ်းဗြဲကျွန်းတွင် ရွာတည်ထောင်စေသည်။ေ၇ချမ်းကြီး၊ မင်းပြင်၊ သလူတောင်၊ ၀က်တိုးပြင်၊ ဇင်ချေင်း၊ မယင်း၊ ကင်း၊ လေးတောင်၊ ကျောက်ချောင်း၊ ကန်တိုင်း၊ ချောင်းကောက်၊ ကံကော်၊ ရပဒင်၊ ရမ်းပေါက်၊ ဇပြင်၊ ရွာပုလဲ၊ ဟုန်း၊ ရမ်းဗြဲငယ်၊ ရမ်းဗြဲကြီးတို့ကို တည်ထောင်သည်။ ရွာများတွင် ဆွေမျိုးအကြီးအကဲအလိုက် ခန့်အပ်၍ ကျွန်းအုပ်အဖြစ်မူ "ငဖြူကြီး" အား စန္ဒရားမင်းကြီး၏ ရွာတည်မော်ကွန်းစာနှင့်အတူ ခန့်အပ်သည်။

မော်ကွန်းစာ
၈ ။ မဟာစန္ဒရားမင်း၏ မော်ကွန်းစာမှာ ငွေပြား (သို့မဟုတ်) ကြေးပြားပေါ်တွင် ယင်းခေတ် ဝေသာလီသုံး ဗြဟ္မဟီအက္ခာဖြင့် ရေးထိုးထားပေလိမ့်မည်။ မြို့စားခန့် အမိန့်တော်ပြန်တမ်းဖြစ်၍၊ ယင်းခေတ်၏ အုပ်ချုပ်ရေး စနစ်ကျနမှုကို ခန့်မှန်းနိုင်ပါသည်။ ယင်းမော်ကွန်းစာတွင် ရာထူးခန့်အပ်ကြောင်းပါရှိသည်။ မော်ကွန်းကို သားစဉ်မြေးဆက် တရိုတသေ ထိန်းသိမ်းထားရသည်။ " ငညို" က မော်ကွန်းစာကို ဆက်ခံသည်။ အဆိုပါ မော်ကွန်းစာအရ ရမ်းဗြဲကျွန်း မှ (၃)နှစ် (၃)လ လျှင် တစ်ကြိမ်ကျ၊ ပေါက်ဆိန်သည် (၃၃)ဦး၊ လှေ(၃)စီး၊ ပျားဖယောင်း(၃၃)အိုး၊ ဝေသာလီဘုရင်ထံ ဆက်သရသည်။

အရှေ့ပြည်ရောက် ရမ်းဗြဲသားများ

၉ ။ အေဒီ ၁၃၂၇-ခု တွင် အာဏာပိုင်တို့သည် ရမ်းဗြဲကျွန်းသို့ လာရောက်တိုက်ခိုက်သည်။ လူအချို့ကို ခေါ်ဆောင်ကာ မဏိပူရ နယ်စပ်တွင် အခြေချထားပေးခဲ့သည်။ အ၀မင်းခေါင်လက်ထက် အေဒီ ၁၄၁၈ တွင် ရမ်းဗြဲကျွန်းသို့ လာရောက်တိုက်ခိုက်ပြန်သည်။ ဖမ်းဆီးရမိသော ရမ်းဗြဲသားများမှာ လမူးချောင်းဖျားမှ ကျောက်တံခါး၊ ကျောက်တံခါး မှ နုဂရစ်ကုန်း၊ မင်းတုန်း၊ ကာမအတိုင်း ယူဆောင်သည်။ အ၀မင်းခေါင်အား ဆက်သရာ၊ စစ်ကိုင်းမြို့တွင် အခြေချထူထောင်ခဲ့ကြသည်။

၁၀ ။ အရှေ့ပြည်ရောက် ပင်လယ်ပျော် ရမ်းဗြဲသားများမှာ မပျော်မွေ့ကြ၊ ဘိုးဘွားစဉ်ဆက် နေထိုင်ခဲ့ကြသော ရမ္မာဝတီ ရမ်းဗြဲကျွန်းသို့သာ တမ်းတလျှက်ရှိသည်။ သို့ဖြစ်ရာ " ငါတို့ကား အသက်ကြီးပြီ၊ ငါတို့သည် ရမ်းဗြဲသားဖြစ်၍ ငါတို့ ဘိုးဘွားနေထိုင်ခဲ့ရာ ဇာတိမြေသို့ သားမြေးတစ်စုံတစ်ယောက် ရောက်ကြောင်းကြံ၍ သွားကြလေ၊ ဤမဟာ စန္ဒရား မော်ကွန်းစာကို ငါတို့ဘုရင်အား ဆက်သလေ" ဟု သားစဉ်မြေးဆက် မှာထားခဲ့ကြသည်။

၁၁ ။ ဤနည်းဖြင့် အခါအခွင့် အခြေအနေကို စောင့်စားခဲ့ကြသည်။ ဆွေစဉ်မျိုးဆက်၊ သုံးဆက်လွန်ပြီးနောက် "ငကောင်းရွှေ" " ငညို" "မောင်နှောင်း" အမျိုးးသမီး "တော်ပု" "အညို" စသည်တို့က ခေါင်းဆောင်၍၊ စုစုပေါင်း ရမ်းဗြဲသား (၁၀၆၀) ဦးတို့သည် တစ်တောဝင်၊ တစ်တောင်ကျော်၍ ဆွေစဉ်မျိုးဆက် မှာထားခဲ့ကြသည့် ရခိုင်မြေသို့ မှန်းဆကာ လာခဲ့ကြသည်။ ဝေသာလီပြည်ရှင် ဘုရင်စန္ဒား၏ မော်ကွန်းကျောက်စာကိုလည်း သုတို့နှင့်အတူ တရိုတသေယူလာခဲ့ကြသည်။ လမ်းခရီး၌ တစ်နှစ်ကြာပြီးမှ ရခိုင်ရိုးမကို ကျော်ပြီး လမူးချောင်းသို့ ရောက်ခဲ့ကြသည်။

၁၂ ။ လမူးချောင်းစား "ငဖြူ" က ရမ်းဗြဲသားများအား ဖမ်းဆီးကာ မြောက်ဦးဘုရင်ထံ ဆက်သလေသည်။ ရမ်းဗြဲသားများသည် ယင်းတို့သားစဉ်မြေးဆက် ထိန်းသိမ်းလာခဲ့သော မဟာစန္ဒရား မော်ကွန်းစာကို ပြ၍ မိမိတို့၏ ဘ၀ဇာတ်လမ်းစုံကို လျှောက်တင်ကြလေသည်။ မော်ကွန်းစာအား မြောက်ဦးနန်းတော်တွင် ရွှေစာဖတ်"မောင်ပု" က ဖတ်ပြသည်။ အကြောင်းစုံ သိရသော် မြန်မာသက္ကရာဇ် (၈၈၀) အေဒီ (၁၅၁၈) တွင် ရှေးဘေးဘိုး အစဉ်အလာအတိုင်း ရမ်းဗြဲကျွန်းတွင် တည်ထောင်စားသောက်စေသည်။

၁၃ ။ ရမ်းဗြဲကျွန်းသည်ကား အကြိမ်ကြိမ်ဖျက်ဆီးခံရ၍ ဘုရားပုထိုး၊ ဂူ၊ ကျောင်း၊ နေအိမ်အားလုံး ပျက်စီးခဲ့ပြီး ဖြစ်ရကား၊ စီးပွားရေး၊ လူမှုရေး၊ အဖက်ဖက်မျ ပြည့်သုံအောင် တည်ဆောက်ရသည်။ မြောက်ဦးမြို့တော်မှ အနန္တသူ၇ိယ၊ အမတ်ကြီးတို့နှင့် အတူ၊ သီဟိုဋ္ဌ်ပြန်အောင်လှ၊ သိုက်တတ်ဟရီ၊ ပညာရှိများ၊ ပန်းတိမ်သည်၊ သံထည်သည်၊ ဘုန်းကြီး စသည်ဖြင့် စုံအောင် ရွာအလိုက် နေရာချထားပေးသည်၊ ပြင်ဝန်းတွင် ဘုရားသုံးကျိတ်တစ်ပါး၊ ကျောက်စာတိုင် သုံးလုံး၊ ကျက်တောပြင်တွင် ကျောက်စာတိုက် ခုနှစ်လုံး၊ ရေချမ်းကြီးပြင်လယ်ချောင်းတွင် ဘုရားသုံးကျိတ်၊ ဓါတ်တော်ငါးလုံး မင်းပြင်တောင်ရင်း၊ သိမ်ကျောင်းအနီးတွင် ကျောက်စာတိုင် ခုနှစ်လုံး စသည်ဖြင့် သာသနာရေးအတွက် ဆောင်ရွက်သည်။ ကျောက်စာတိုင်းတစ်ခုတွင် အောက်ပါအတိုင်း ရေးထိုးထားသည်။
" ငါ့ကောင်းမှုကို ဖျက်သီပြုသော သူကား၊ သာသနာငါးထောင် တိုင်စောင့်နတ်ဖြစ်၍ သေလေစေ၊ အရင်မင်းကိုစောင့်သော နတ်သတ် လျှက် သေလေစေ၊ ဘုရားတစ်သောင်းပွင့်၍ မတွဲ့ပဲ ဟိလေစေ၊ ကဘာမြေကားအထက် ငါကောင်းမှုရိုင် ဖျက်ဆီးခြားနားပြုသော သူကား အောဝီဇိတွင် ဟိစေလေ" "ကျောက်စာတိုင်ကား သုံးတောင်နှင့် လက်ဝါးထဘီ"

၁၄ ။ နှစ်ပေါင်းနှစ်ရာကျော် ကြာညောင်းခဲ့လေပြီ၊ ရမ္မာဝတီ ရမ်းဗြဲကျွန်းကား ဘင်္ဂလားပင်လယ်အော်ထဲတွင် တည်ငြိမ်အေးချမ်းစွာ ရပ်တည်ဆဲ
"အေးအေးထွေထွေ၊ ရံပင်လေ(လယ်)နှင့် ကမ်းခြေသာယာ ကျွန်းရမ္မာဟု၊ အုပ်အော်ပင်လယ်၊ ပျော်ပါးဘွယ်နှင့် မြနယ်မြရောင်၊ မြရိပ်ဆောင်သည်၊ မြတောင်၊ မြတော၊ မြရောင်ကျောသည့်၊ မနောရမ္မာ၊ ကျွန်းဒီပါထက်၊ အချက်ချက်ဖွေ၊ အထွေထွေတိ၊ မြူတေပွားစီး၊ တန်းတပ်ဘီးမျှ၊ သစ်သီးဝလံ၊ ပေါများလျှံသည်" ဟု ကင်းဆရာက စပ်ဆိုခဲ့ပေသည်။
သို့သော် လည်း ရမ်းဗြဲသားများအဖို့၊ ကံကြမ္မာရမတ် တပတ်လည်ပြန်၍၊ တိုင်းပြည်မငြိမ်မသက်ဖြစ်ကာ၊ ဇာတိမြေကို စွန့်ခွာပြေးရပြန်သည်။ ကမ်းမမြင်၊ လမ်းမမြင်၊ ပင်လယ်ခရီးကို စွန့်စားခန်း ထုပ်ခဲ့ရပြန်သည်၊ ဤနည်းဖြင့် ရမ်းဗြဲသားများသည် ဘင်္ဂလား အ၀ကျွန်းသို့ ရောက်ခဲ့ရပြန်သည်။

ရမ်းဗြဲစကား

၁၅ ။ "ရမ်းဗြဲစကား" ဟူသည်မှာ သီခြားလုမျိုးစု မဟုတ်မူပဲ၊ ပြည်ထောင်စုမြန်မာနိုင်ငံအတွင်း မှီတင်းနေထိုင်ကြသော တိုင်းရင်းသားများအနက် တစ်ခုအပါအ၀င်ဖြစ်သည့် ရခိုင်ရိုးမ၏ အနောက်ဘက်ခြမ်းမှ ရခိုင်သားများပင်ဖြစ်ပါသည်။ ချောင်းနားနေသူကို "ချောင်းသား"တောင်မှာနေသူကို" တောင်သား"ကျွန်းမှာနေသူကို"ကျွန်းသား " ဟု ခေါ်သကဲ့သို့ ရမ်းဗြဲကျွန်းမှာ နေသူများဖြစ်၍ "ရမ်းဗြဲသား "ဟု ယေဘုယျ ခေါ်ဆိုခြင်းသာ ဖြစ်သည်။ နှစ်ပေါင်းထောင်ချီ၍ သမိုင်းအမျိုးမျိုးကို ဖြတ်သန်းလာခဲ့ပြီးနောက်တွင် ရမ်းဗြဲကျွန်းတစ်ခုထဲတွင် မတွေ့ရပဲ ရခိုင်ပြည် အနှံ့နှင့် ယင်းထက်ပို၍ ပို၍ လှမ်းသည့်နေရာထိ ရေခြားမြေခြားတွေ့ရသည်။ သို့သော် မိရိုးဖလာ၊ စဉ်လာဓလေ့များကို မမေ့ပစ်ကြ၊ မဖျောက်ပစ်ကြ၊ ပြောဆိုသုံးစွဲသောစကားမှာ ရခိုင်ဒေသန္တ၇ စကားသာဖြစ်၍ ရမ်းဗြဲစကား ( Rambye Dialects) ဟု ခေါ်ဆိုကြသည်။ လေယူလေသိမ်း အသုံးနှုန်းမှာ စိတ်ဝင်စားဘွယ် ဖြစ်သည်။

၁၆ ။ ရမ်းဗြဲသားများမှာ လုံချည် (ဒယော) ကို (ခယောက်၊ ခတောင်း) ဟူ၍ လည်းကောင်း၊ ခလေး (အဘုချေ) ကို (အစိတ်ကေချေ) ဟူ၍ လည်းကောင်း ခေါ်ကြသည်။ မိသားစု၊ ဆွေမျိုးအခေါ် အဝေါ်နှင့် ပတ်သက်၍လည်း အိယောင် (မိခင်)၊ ဘာဘာ (ဖခင်)၊ ဒိုးဒိုး (အဖွား)၊ မင်းမင်း (ဦးလေး) ဟူ၍ ခေါ်ဆိုကြသေးသည်။ ရခိုင်ဒေသန္တရစကား အချို့တွင် "ရှိယင့်" "ရှိလား" ဟု သုံးစွဲပြောဆိုကြသော်လည်း၊ ရမ်းဗြဲသားများမှာ "ဟိရေ" "ဟိလား" စသည်ဖြင့် ပြောကြသည်။

၁၇ ။ အေဒီ ၁၄၅၅-ခု ဘစောဖြူမင်းလက်ထက် "ဖဒူမင်းညို" ရေးစပ်သီကုန်းသော မှောက်တော်ဧချင်းအပိုဒ် (၉) တွင် "မဟာမုနိ၊ ဟိသည်၊ ယခု ဆင်းရုပ်တုကို" ဟု၍ တွေ့ရပေရာ၊ ရမ်းဗြဲစကားကပို၍ ရခိုင်ဆန်သည်၊ ရှေးကျသည်၊ အေဒီ ၁၁၂၃-ခုတွင် ရေးထိုးသော ကောလိယကျောက်စာ၌ "ငါနှင့်တူသူ၊ လူတွင်မဟိ" ဟူ၍ ရမ်းဗြဲစကား " ဟိ" ကို သုံးထားသည်။ ရမ်းဗြဲသားများ သုံးစွဲလေ့ရှိသော "ေ၇ပသျှောင် မလုပ်ကေ့" (ဤကဲ့သို့ မလုပ်နဲ့) "အစွာဖြိုက်တောင်" (ဘာဖြစ်လဲ) စသော အသုံးနှုန်းများကို ဝေသာလီ၊ ရွှေတောင်ကျောက်စာ၊ အေဒီ ၄၇ ခု မှ ၉၇ ခုတွင် ဤသို့ တွေ့ရသည်။

နေရာအနှံ့နေထိုင်ကြသော ရမ်းဗြဲသားများအား အောက်ပါရမ်းဗြဲစကားဖြင့် ခွဲခြား၍ သိနိုင်သည်။ ရမ်းဗြဲသား ဇာတိပြသည်ကား ဤအသုံးနှုန်းပင် -
၁။ မင်းတို့ ဘယ်တော့လာမှာလဲ (မြန်မာ)
မန်းရို့ ဇာခါလာဖို့လေး (စစ်တွေ)
မတ်ရို့ အဇာခါလာဖို့ရောင် (ရမ်းဗြဲ)
၂။ မရှိတော့ဘူး (မြန်မာ)
မရှိဗျာယ် (စစ်တွေ)
မဟိရာ (ရမ်းဗြဲ)

၁၉ ။ ၁၉၁၇- ခုနှစ်ထုပ် ဘာသာစကား သန်းခေါင်စာရင်းအရ ရခိုင်ပြည်နယ်တွင် ရမ်းဗြဲစကားပြောသူ ဦးရေ (၅၉၀၂၄) ဦးရှိ၍ ရခိုင်စကားပြောသူ (၅၀၆၁၃) ဦးရှိကြောင်း သိရှိရပေသည်။ ရမ်းဗြဲမြေကား ကျွန်းဟုဆိုသော်လည်း ပြန့်ပြူးသော မြေမျက်နှာပြင်ကား မဟုတ်၊ တောတောင်လျှိုမြောင်၊ ရေတံခွန်စိမ့်စမ်းတို့ဖြင့် ပြည့်နက်ဘိ၏၊ လယ်မြေ၊ ယာမြေ နည်းပါး၍ လုပ်ခင်းကိုင်းခင်းမကောင်းပေ၊ သို့ကြောင့်ပင် ကာယလုပ်အားထက် ညာဏလုပ်အားကို အားကိုးရသည်။ ရမ်းဗြဲသားများတွင် ဘုန်းကြီး၊ ဗေဒင်ဆရာ၊ ဆေးဆရာ၊ စာပေ၊ မနုပညာရှင်၊ ပန်းချီ၊ ပန်းပု၊ ဗိသုကာ၊ ပန်းပဲ၊ ပန်းရံ၊ ပန်းတိမ်၊ လက်သမား၊ စာဟောဆရာ၊ ငစေဆရာ စသည်ဖြင့် အတတ်ပညာမျိုးစုံတတ်ကြသည်။

၂၀ ။ ရမ်းဗြဲသားများသည် မိမိတတ်သောပညာဖြင့် သမုဒ္ဒ၇ာ ၀မ်းတစ်ထွာအတွက် နေ့ခင်းရက်သာရာသီများတွင် မြန်မာပြည်အနှံ့ ခရီးဆန့်၍ မနေမနား၊ ပျားပန်းခတ်မျှ အလုပ်လုပ်ကြသည်။ သို့ကြောင့်ပင် စစ်တွေခရိုင် အရေးပိုင်ဟောင်း အာ၇်ဘီစမတ် (R.B.Smart) က စစ်တွေခရိုင် ဂဇက်တီးယားစာအုပ်တွင် ရမ်းဗြဲသားများသည် လုံလ၀ရိယနှင့် ပြည့်စုံကြသည် စသည်ဖြင့်ဖော်ပြခဲ့သည်။ ပရိယောသန၀မ်းရေးးအတွက် မည်သည့်နေရာတွင် မည်မျှပင် မည်မျှပင်ကြာကြာနေရ နေရ ဇာတိသနစ်ကိုကား မဖျောက်ပစ်ကြ၊ ကံကြမ္မာဂြိုလ်ဆိုး မည်မျှပင်တိုးစေ နှစ်ပေါင်းထောင်ချီ၍ သမိုင်းအမျိုးမျိုးကို တွန်းလှန်းကျော်လွှားခဲ့ကြပြီး ကြံ့ကြံ့ခံခဲ့ကြပြီး ခရီးရှည်ချီတက်ပွဲကြီး အကြိမ်ကြိမ်နွှဲခဲ့ဘူးကြပြီ။

၂၁ ။ ယခုအခါ ရမ်းဗြဲမြို့တွင် ၇ပ်ကွက်(၆) ခုရှိသည်။ သာယာကုန်း၊ သဲပြုချိန်၊ ရွှေတုံး၊ အိုးဖိုစု၊ ပုတင်းစု၊ တန်းနားပြင်၊ အင်းတောင်၊ အောင်ဆိပ်၊ ကင်းတဲ၊ ကုလားတန်း၊ အုန်းထပင်စု၊ အောင်စေတီ၊ လောင်းချောင်း၊ တန်းရွာ၊ ပုလုပ်တောင် စသည်ဖြင့် အစုငယ်များခွဲခြားထားသည်။ မြို့၏ ကျက်သရေဆောင် သမိုင်းဝင် ကိုယ်ရန်တောင် စေတီတော်ဘုရားကြီး တည်ရှိသည်၊၊ ရိုးရာပွဲများ အနက် ရမ်းဗြဲမြို့၏ ရခိုင်ရိုးရာလှေပြိုင်ပွဲမှာ အထင်ရှားဆုံးဖြစ်သည်။ ရမ်းဗြဲသားများအနေဖြင့် မိမိတို့၏ ရိုးရာယဉ်ကျေးမှု ဓလေ့ထုံးစံများကို ထိန်းသိမ်းဖော်ထုတ် ကြရဦးမည်မှာ ယုံမှားဖွယ်ရာ မရှိပါကြောင်း တင်ပြလိုက်ရပါသည်။

ရမ်းဗြဲသားဧ။် google post မှ ကူးယူဖေါ်ပြပါသည်။